Venturi injektori
Venturi injektori tomchilatib sug‘orish tizimi tarkibida
sug‘orishga beriladigan suvga o‘g‘it eritmasini qo‘shib,
aralashtirib, yetkazib beruvchi qurilma sanaladi.
Venturi injektori suv kiruvchi va suv chiquvchi tomonlaridan
konus ko‘rinishida toraytirilgan quvurchadan iborat bo‘lib, u
odatda polimer materialdan tayyorlanadi.
228
Injektor sug‘orish tizimining bosh quvuriga parallel ravishda
o‘rnatiladi (5.14-rasm).
Quvurdan o‘tayotgan suvning harakati tufayli injektor
quvurchasida bo‘shliq yuzaga keladi. Bo‘shliq o‘g‘it eritmasini
idishidan o‘ziga tortib oladi va sug‘orish tizimi quvuriga yuboradi
(5.15-rasm).
O‘g‘it eritmasi quvurdagi suv bilan yanada aralashib ekin
dalasigacha borib tushadi.
Venturi injektori ishlashga tayyor bo‘lishi uchun, injektorga
so‘ruvchi shlang, minikran va filtrlar ulanadi (5.16-rasm).
a) Venturi injektorining
ko‘rinishi
b) sug‘orish tizimiga ulangan injektor
5.14-rasm. Venturi injektori.
5.15-rasm. Suv va o‘g‘itni injektorda harakatlanishi.
229
5.16-rasm. Foydalanishga tayyor injektorlar.
O‘g‘it eritmasini Venturi injektorlari yordamida yetkazib
berish eng oson hisoblanadi. Biroq ma’lumotlar Venturi injektori
tizimdagi suvning bosimi 2 atm. dan yuqori bo‘lgan
sharoitlardagina samarali ishlashini ko‘rsatmoqda. Tizimdagi
suvning bosimi 2 atm. dan past bo‘lganda esa Venturi injektori
yaxshi ishlamaydi yoki butunlay ishlamay qo‘yadi.
Suvning bosimi yetarli bo‘lmagan holatlarda sug‘orish
tizimida o‘g‘itni yetkazib berish uchun kompressor yoki
qo‘shimcha nasosdan foydalaniladi.
Dozatron nasos
Dozatron nasos gidravlik dozator ko‘rinishida bo‘lib, u o‘g‘it
va boshqa kimyoviy eritmalarni aniq bir xil miqdorda ajratib
olish va uzatish uchun qo‘llanadi.
Dozatron nasos tizimning bosh quvuri va o‘g‘it eritmali
idishi oralig‘iga o‘rnatiladi (5.17-rasm).
Dozatronning ishchi turbinasi tizim quvuridagi suvning
bosimi yordamida harakatga keladi. Natijada dozatron o‘g‘it
eritmali idishdan eritmani aniq miqdorini so‘rib olib suv yetkazib
beruvchi quvurdagi suv bilan aralashtiradi va sug‘orish tizimi
quvuriga uzatadi.
230
5.17-rasm. Dozatron nasos va uni tizimda o‘rnatilishi.
Dozatron nasosni ishga tushirish davrida bir marta rostlab
olinadi, keyin u doim shunday holatda ishlaydi.
Tomchilatib sug‘orish tizimi o‘g‘itlovchisining turini
sug‘orish tizimini loyihalovchisi tanlaydi va o‘g‘itlovchining
xarakteristikalarini loyiha tarkibida taqdim qiladi.
Tomchilatib sug‘orish tizimini qurgan tashkilot esa o‘g‘itlash
moslamasining ishlash tartibi va o‘g‘it eritmasini tayyorlash
qoidalarini tizimdan foydalanuvchiga to‘liq o‘rgatadi.
|
