220
Filtrlar – kerakli miqdordagi suvni zarur sifatgacha turli
iflosliklardan (loyqadan) tozalab berish uchun xizmat qiladigan
inshootdir.
Tomchilatib sug‘orish tizimlarida odatda bir nechta filtrlar
to‘plami qo‘llaniladi va bu to‘plamni filtrlash stansiyasi deb
ataladi.
Filtrlash stansiyasi tomchilatib sug‘orish tizimining eng
asosiy elementlaridan sanaladi.
Tomchilatib sug‘orish tizimlarida filtrlarning
yirik zarral-
lardan
chala tozalovchi – qumli va
mayda zarralardan
to‘liq
tozalovchi – disk yoki to‘rli turlari qo‘llaniladi.
Filtrlash qurilmasining turini suv manbasi va undagi suvning
sifatiga bog‘liq tarzda tanlanadi (5.3-jadval).
Sug‘orishga beriladigan suv ochiq havzadan olinadigan
holatlarda suvni loyqa, suv o‘tlari va boshqa yirik zarrachalardan
tozalash uchun qisman tozalovchi qumli filtrlar qo‘llaniladi.
Qumli filtrlar yopiq idish ko‘rinishida metall (po‘lat)
materialdan tayyorlanadi.
Filtrning idishiga filtrlovchi sifatida asosan yirik zarrali
qumlar, ayrim holatlarda qisman mayda shag‘al yuklanib, suvni
filtrlovchi qatlam tashkil qilinadi.
5.3-jadval
