369
a) traktor yordamida dori sepish
b) qo‘l purkagichi yordamida
dori sepish
14.6-rasm. Ekin dalasiga kimyoviy ishlov berish (dori sepish).
Bu usulning samarasi yuqori va foydalanish qulay. Shu bois
XX asrning ikkinchi yarmidan boshlab ularni qo‘llash sezilarli
darajada ortdi (14.6-rasm).
O‘simliklarni kimyoviy himoya qilish usullarini keng
qo‘llashning o‘ziga xos salbiy tomoni bo‘lib, ular tuproq va suvni
kimyoviy ifloslantirishlari, kimyoviy moddalarga chidamli zarar-
kunandalarni paydo bo‘lishiga sharoit yaratishlari, qo‘llanilayot-
gan kimyoviy birikmalarni oziq-ovqat mahsulotlarida to‘plani-
shiga sabab bo‘lishlari ham mumkin.
Bundan tashqari kimyoviy vositalar atrof-muhitdagi muvo-
zanatga jiddiy ziyon yetkazishlari, ya’ni kimyoviy vositalar
zararkunandalarning tabiiy kushandalarini qirib yuborishlari ham
mumkin.
Shuning uchun, o‘simliklarni himoya qilishning kimyoviy
usullari qat’iy tartiblar asosida qo‘llaniladi. Bunda qo‘llanila-
digan kimyoviy vositalarning inson organizmi uchun xavfsiz
turlarini qo‘llashga alohida e’tibor qaratiladi.
