366
•
nihollar unib chiqishidan oldin qo‘llash;
Gerbitsid ekin nihollari unib chiqishidan oldin tuproqqa
kiritiladi va u begona o‘tlarni unib chiqishidan oldin yoki unib
chiqqandan so‘ng tez orada nobud qiladi.
•
nihollar unib chiqqandan so‘ng qo‘llash;
Gerbitsid ekinlar nihollari (va begona o‘tlar) tuproqdan unib
chiqqandan keyin purkaladi.
•
aniq yo‘llab qo‘llash;
Gerbitsid qatorlardagi begona o‘tlarga yoki ularning ayrim
qismlariga (poyasi, bargiga) yoki tuproqning ayrim joylariga aniq
qaratib purkaladi.
•
yoppasiga purkash;
Gerbitsid o‘simliklarga texnika yordamida yoppasiga
purkaladi.
•
tasmasimon purkash;
Gerbitsid faqat ekin qatorlarida o‘sayotgan begona o‘tlarga
tasmasimon purkaladi.
•
kechiktirib qo‘llash;
Bu usulda gerbitsid ekin qator oralarini oxirgi marta
kultivatsiya qilish paytida yoki bevosita kultivatsiyadan keyin
purkaladi yoki tuproqqa kiritiladi.
•
tanlab purkash;
Gerbitsid dalaning faqat begona o‘tlar o‘sayotgan joyini
tanlab va aniq yo‘llab purkaladi.
