|
Mavzuga oid adabiyotlarning tahliliBog'liq 38 Khakimov 5048098483 (4)Mavzuga oid adabiyotlarning tahlili
Mamlakatda moliya va soliq tizimini takomillashtirishning ustuvor yo‘nalishlari, shu
jumladan, soliqlar va yig‘imlarni undirishning ayrim masalalari qator xorijiy va mahalliy
olimlar tomonidan o‘rganilgan.
Mazkur masala bo‘yicha ilmiy tadqiqot olib borgan xorijlik olim Margherita Ebraico
(2015) mamlakatda soliqlar va yig‘imlarni undirilishini rivojlantirish va rag‘batlantirish bilan
bir qatorda soliq qarzi mavjud bo‘lgan soliq to‘lovchilarga qat’iy choralar qo‘llanilishini,
soliqlar va yig‘imlar undirilishi bo‘yicha soliq qarzlarining kamayishi va kelgusida ularning
vujudga kelishini oldini olishda ijobiy samara berishini ta’kidlab o‘tadi [4].
Xorijlik olim Michael Brostek (2009) esa o‘z tadqiqotida soliq qarzini undirilishining
samaradorligini oshirish bo‘yicha quyidagi omillarini ko‘rsatib o‘tadi, xususan:
- mamlakatda soliq qarzi summalarining paydo bo‘lishiga yo‘l qo‘yishni oldini olishda
soliq yukini pasaytirish kelajakda soliq qarzdorliklari kamayishiga olib keladi;
- muddatida to‘lanmagan soliqlar va yig‘imlarni undirish strategiyasi faqat belgilangan
davr mobaynida o‘z ijobiy natijasini beradi [5].
Bu borada rus tadqiqotchilari, S.N. Alixin va D.A. Levachevalar (2018) o‘zlarining ilmiy
tadqiqotlarida soliq qarzini undirish mexanizmining nazariy asoslarini keltirib o‘tishgan. Unga
ko‘ra, ular soliq qarzini undirish soliq bazasini kengaytirish bilan birgalikda uni soliq
to‘lovchidan undirish murakkabligini ta’kidlab, bu jarayonga alohida yondashuvni inobatga
olgan holda soliq qarzi mavjud bo‘lgan tadbirkorlik subyektlarining moliyaviy holatidan kelib
chiqib undirish mexanizmni ishlab chiqish kerakligini ta’kidlashgan [6].
“Iqtisodiyot va innovatsion texnologiyalar” ilmiy elektron jurnali. № 3, may-iyun, 2021 yil
|
| |
