|
-БЎЛИМ. ҚЎЛЛАНИЛАДИГАН АТАМАЛАР
|
| bet | 2/11 | | Sana | 20.06.2023 | | Hajmi | 0.82 Mb. | | #74476 |
Bog'liq МСМ АВТО ФАСТ МЧЖ 2 Doc1, tagor, SHERZOD, 2 5323307377196276083, Integralni taqribiy hisoblash, lambert-attivo-24-fx-3-esanjorlu-yogusmali-kombi-ce-belgesi, VytkhgkNqkHmPuPHjzjw5hXQzIDu9QKnQ1og3M0c, Referat, mustaqil ish, 798285, кимёнинг замонавий муаммолари — копия, Jild-obloshka, @MrNiner 30 Speaking structures, Yoqut tilining leksik xususiyatlari, ДИЛШОД ЛЛО2-БЎЛИМ. ҚЎЛЛАНИЛАДИГАН АТАМАЛАР
Ушбу Шартномада қуйидаги мазмундаги атамалардан фойдаланилади:
Кредит шартномаси – ушбу Шартноманинг Декларациясида (1-иловада) кўрсатилган фуқаролик-ҳуқуқий шартномаси бўлиб, унга кўра Суғурта қилдирувчи Қарз олувчига Кредит шартномасида назарда тутилган миқдорда ва шартларда пул маблағларини (кредит) тақдим этиш мажбуриятини олади, Қарз олувчи эса олинган пул маблағларини ўз вақтида қайтариш ва у бўйича фоизларни тўлаш мажбуриятини олади.
Суғурта полиси – суғурта мукофоти тўланганидан кейин Суғурта қилдирувчига бериладиган, ушбу Шартнома бўйича Суғурталовчининг мажбуриятлари кучга киришини тасдиқловчи ҳужжатлар.
Суғурта пули – ушбу Шартнома шартларига кўра суғурта ҳодисаси юз берганида Суғурта қилдирувчи олдида Суғурталовчи мажбуриятларининг энг кўп ҳажмларини ифодалайдиган пул маблағлари суммаси.
Суғурта ҳодисаси – амалда юз берган ва ушбу Шартномада назарда тутилган ҳодиса бўлиб, у юз бериши билан Суғурталовчининг ушбу Шартнома шартларига мувофиқ суғурта товонини тўлаш мажбурияти юзага келади.
Суғурта товони – суғурта ҳодисаси юзага келиши натижасида Суғурта қилдирувчига етказилган зарарни қоплаш ҳисобига Суғурталовчи томонидан суғурта пули чегарасида Суғурта қилдирувчига тўланадиган пул маблағлари.
Суғурта мукофоти – суғурта учун тўлов бўлиб, уни Суғурта қилдирувчи ва/ёки Қарз олувчи ушбу Шартномада баён қилинган тартибда ва муддатларда Суғурталовчига тўлаши шарт.
Суғурта даври – ушбу Шартнома амал қиладиган вақт даври.
Кредитнинг мақсадли ишлатилиши – Қарз олувчи томонидан кредит маблағларидан Кредит шартномасида назарда тутилган мақсадларда фойдаланиш.
Суғурта қилинган транспорт воситаси (ТВ) – Қарз олувчи номига ҳужжат билан расмийлаштирилган ва кредит маблағлари ҳисобига харид қилинган транспорт воситаси бўлиб, унга нисбатан ушбу Шартнома шартларига мувофиқ суғурта қопламаси амал қилади.
|
| |
