|
Tarbiya” fanini o’qitish jarayoni yaxlit tizim sifatida
|
| bet | 1/2 | | Sana | 19.04.2024 | | Hajmi | 19.45 Kb. | | #201349 |
Bog'liq tarbiya fanini o\'qitish yaxlit ovdfmvfdmvfmvm, Makaron i.ch. texnologik liniyasi Shohida, fff, task1, FVX mustaqil, Informatika. 6-sinf (2013, B.Boltayev, M.Mahkamov, A.Azamatov, S.Rahmonqulova), ENEo3GGopmKV8ahTBf5SoCDdGn7jnEbES193VjZq, Ягона реестр ариза бланкалари 2намуна, inklyuziv taʼlim tushunchasi Rayhona (1), TARBIYA FANINI O, Sinfdan va maktabdan tashqari tarbiyaviy ishlar konsep, Sinf jamoasini tashkil etish va tarbiyalash, kreativ, 3-sinfda matematika
“Tarbiya” fanini o’qitish jarayoni yaxlit tizim sifatida
Reja:
Kirish
Tarbiya nazariyasining umumiy xususiyatlari
“Tarbiya” fani asoslari
“Tarbiya” fanini o’qitish zaruriyati
Xulosa
Foydalanilgan adabiyotlar
Tayanch tushunchalar:
Tarbiya, nazariya, fan, asos, me’yor, hujjat, o’qitish, zaruriyat, qaror, bilim, ko’nikma, uquv, kompetensiya, amaliyot.
Kirish.
Tarbiya-shaxsda muayyan jismoniy, aqliy, ruhiy, axloqiy va ma’naviy sifatlarni shakllantirishga qaratilgan pedagogik jarayondir.1 Insonning jamiyatda yashashi uchun zarur bo’lgan xususiyatlarga ega bo’lishini ta’minlash yo’lida qo’llaniladigan chora-tadbirlar majmuasi tarbiyani tashkil qiladi. Tarbiya insonning insonligini ta’minlaydigan eng qadimiy va abadiy qadriyatdir. Tarbiyasiz alohida odam ham, kishilik jamiyati ham mavjud bo’la olmaydi. Chunki odam va jamiyatning mavjudligini ta’minlaydigan qadriyatlar tarbiya tufayligina bir avloddan boshqa avlodga o’tadi.
Pedagogik adabiyotlarda “tarbiya” atamasi keng va tor ma’nolarda qo’llaniladi.2 Keng ma’noda tarbiya inson shaxsini shakllantirishga, uning jamiyat ishlab chiqarishi va ijtimoiy, madaniy, ma’rifiy hayotida faol ishtirok etishini ta’minlashga qaratilgan barcha ta’sirlar, tadbirlar, harakatlar va intilishlar yig’indisini anglatadi. Bunday tushunishda tarbiya faqat oila, maktab, bolalar va yoshlar tashkilotlarida olib boriladigan tarbiyaviy ishlarni emas, balki butun ijtimoiy tuzum, uning yetakchi g’oyalari va san’atning barcha turlarini o’z ichiga oladi. Shuningdek, keng ma’nodagi tarbiya tushunchasi ichiga ta’lim va ma’lumot ham kiradi.
Tarbiya nazariyasining umumiy xususiyatlari. “Pedagogika” fanining asoslaridan biri tarbiya masalasidir.
Tor ma’noda tarbiya shaxsning jismoniy rivoji, dunyoqarashi, ma’naviy-axloqiy qiyofasi va estetik didi o’stirilishiga yo’naltirilgan pedagogik faoliyatni anglatadi. Bunda oila va tarbiyaviy muassasalar hamda jamoat tashkilotlari tarbiya ishini amalga oshiradi. Ta’lim va ma’lumot olish tor ma’nodagi tarbiya tushunchasi ichiga kirmaydi. Lekin har qanday tarbiya ta’lim bilan chambarchas bog’liq holdagina mavjud bo’ladi. Chunki, ta’lim va ma’lumot olish jarayonida shaxsning faqat bilimi ko’payibgina qolmay, balki, axloqiy-ma’naviy sifatlari qaror topishi ham tezlashadi.
Tarbiya har qanday jamiyat va har qanday mamlakat hayotida hal qiluvchi ahamiyatga ega. Yosh avlodning, umuman, jamiyat a’zolarining tarbiyasi bilan yetarlicha shug’ullanmagan mamlakat turg’unlik va inqirozga uchraydi. Negaki, o’sishi va rivojlanishi uchvun har qanday jamiyatda ham moddiy va ma’naviy boyliklar qatorida tarbiya ham rivojlanib boradi.
Tarbiya nazariyasining umumiy xususiyatlari quyidagilar bilan belgilanadi:
tarbiyaning nazariy asoslari;
tarbiya didaktikasi;
tarbiya amaliyoti.
“Tarbiya” fani asoslari.
O’zbekiston Respublikasi Prezidentining tashabbusi bilan 2020 yilda o’zbek “Pedagogika” fani tarixida ilk bor “Tarbiya” yangi fani ishlab chiqildi. Bu borada O’zbekiston Respublikasi Vazirlar Mahkamasining 2020 yil 6 iyuldagi 422-sonli “Umumiy o’rta ta’lim muassasalarida “Tarbiya” fanini bosqichma-bosqich amaliyotga joriy etish chora-tadbirlari to’g’risida”gi Qarori qabul qilindi va mazkur Qaror bilan “Umumiy o’rta ta’lim muassasalari o’quvchilari uchun “Tarbiya” fani Kontsepsiyasi” tasdiqlandi. Qarorga binoan “Tarbiya” fani amaldagi quyidagi fanlarni qo’shish hisobiga tashkil etildi:
boshlang’ich sinflarda o’qitiladigan “Odobnoma” va “Vatan tuyg’usi” o’quv fanlari;
yuqori sinflarda o’qitiladigan “Milliy istiqlol g’oyasi va ma’naviyat asoslar” hamda “Dunyo dinlari tarixi” o’quv fanlari.
Buning natijasida yangi fan shakllantirildi. Ushbu “Tarbiya” fanining metodologik asoslarini quyidagilar tashkil etadi:
ta’lim-tarbiyaga oid me’yoriy hujjatlar;
tarbiya asoslari va manbalari;
tarbiya qonuniyatlari, metodlari va texnologiyalari;
tarbiyaning amaliy masalalari.
Aynan mazkur asoslar o’quv fanining negizini tashkil etadi. Bo’lajak boshlang’ich sinf o’qituvchilari bu asoslarni talab darajasida o’zlashtirishi kerak. Aks holda, ularning mazkur fan metodikasi bo’yicha kasbiy tayyorgarligi talab darajasida bo’lmaydi. Shuningdek, qaror bilan 2021-2022 o’quv yilidan boshlab “Tarbiya” fani bo’yicha pedagog kadrlar tayyorlash yo’lga qo’yildi.
“Umumiy o’rta ta’lim muassasalari o’quvchilari uchun “Tarbiya” fani Kontsepsiyasi”ga ko’ra, mazkur fanning umumiy asoslarini quyidagilar tashkil etadi:
huquqiy asoslar;
tashkiliy asoslar;
ilmiy-metodik asoslar.
Bunda huquqiy asoslar ta’lim-tarbiyaga oid me’yoriy-huquqiy hujjatlardan iborat, tashkiliy asoslar fanni umumta’lim maktablarida, jumladan, boshlang’ich ta’limda talab darajasida o’qitishni va ilmiy-metodik asoslar esa fanning metodologiyasini anglatadi.
Qarorga ko’ra, “Tarbiya” fanining asosiy tamoyillarini quyidagilar tashkil etadi:
a) milliy va umuminsoniy qadriyatlarning ustuvorligi;
b) ongli vatanparvarlik ruhini rivojlantirish;
v) fanga oid zamonaviy ilmiy-tadqiqotlarga asoslanish;
g) ochiqlik va shaffoflik;
d) tarbiya sohasiga oid tashabbuslarni qo’llab-quvvatlash va rag’batlantirish;
e) tarbiya sohasiga doir siyosatni amalga oshirishda ishtirok etuvchi davlat organlari, nodavlat notijorat tashkilotlari va hususiy sektor faoliyatining muvofiqligi hamda mutanosibligi.
Bo’lajak boshlang’ich sinf o’qituvchilarining fanga oid bu tamoyillarini chuqur o’zlashtirishi taqozo etiladi. Shu sababli oliy pedagogik ta’lim jarayonida, tarbiyaviy tadbirlarda va mustaqil ta’lim izlanishlarida ana shu tamoyillarni o’zlashtirish, faoliyatda qo’llash ko’nikmasiga ega bo’lish lozim.
|
| |
