Yumshatuvchi panjalarni joylashtirish sxemasi.
1.15-rasm
Sugʻorishdan soʻng gʻoʻza qator oralarini yumshatishda qator orasining kengligi 60 sm boʻlganda beshta yumshatuvchi panja va bitta chuqur yumshatuvchi panja, qator orasining kengligi 90 sm boʻlganda esa ettita yumshatuvchi va bitta chuqur yumshatuvchi panja qoʻyish tavsiya etiladi (1.14, 1.15-rasmlar).
S.V.Jumakulov [29], V.A.Sergienko [30], S.T.Sultonov [31, 32] ilmiy izlanishlarida shuni ta'kidlashadiki, mavjud boʻlgan ish organlari ishlash davrida katta kesaklar hosil qiladi. Shuning uchun ular qator oralariga ishlov berishda passiv ish organlari oʻrniga frezalar qoʻllashni tavsiya etadi (1.16-rasm).
Kesuvchi (a) va yumshatuvchi (b) ish organlarini frezalar bilan birgalikda joylash sxemasi:
1-freza; 2-chuqur yumshatuvchi panja; 3-bir tomonlama yassi qirquvchi panja; 4-yumshatuvchi panja.
1.16-rasm
1-yumshatuvchi panjalar; 2-chuqur yumshatuvchi panja; 3-oʻqyoysimon panja; 4-bir tomonlama yassi kesuvchi panja.
1.17. rasm
Ruxsatov A.K. [33] oʻzining olib borgan tadqiqotlari natijasida gʻoʻza qator oralariga ishlov beruvchi ish organlarni quyidagicha joylashtirishni taklif etdi (1.17-rasm). Birinchi boʻlib ikkita bir tomonlama yassi qirquvchi panja uni orqasidan oʻqyoysimon panja, yumshatuvchi panjalar va chuqur yumshatuvchi panja oʻrnatiladi.
2.2. Gʻoʻza qator orasiga bugʻdoy ekish uchun tajribaviy agregat
Gʻoʻza qator oralariga bugʻdoy ekishga qoʻyilgan agrotexnika talablaridan hamda oʻtkazilgan tahlillardan kelib chiqqan holda ushbu ishchi faraz (gipoteza) ilgari surildi. Gʻoʻza qator oralariga kuzgi bugʻdoyni sifatli ekilishini qator oralarini mayin yumshatish, ularda tor ariqchalar ochish, bu ochilgan ariqchalarga urugʻlarni kurakchali disklar bilan bir tekisda sepib va belgilangan chuqurlikka koʻmib ketish yoʻli bilan ta'minlash mumkin. Ushbu farazdan kelib chiqqan holda Namangan muxandislik-pedagogika institutida ushbu ish muallifining bevosita ishtirokida Vazirlar mahkamasi huzuridagi Fan va texnologiyalar markazining P-19.60 “Gʻoʻza qator oralariga kuzgi bugʻdoy ekish texnologiyasini takomillashtirish va ekish agregatining konstruksiyasini ishlab chiqish” loyihasi boʻyicha gʻoʻza qator oralariga kuzgi bugʻdoy ekish uchun agregat ishlab chiqildi [6]. U asosan ramaga oʻrnatilgan bunker 1 (1.18-rasm), gʻaltakli ekish apparati 2, urugʻ oʻtkazgich 3, qator oralarini yumshatuvchi ish organlari 11,12, tor ariqchalar hosil qiluvchi konussimon disklar toʻplami 5, prujina 9, optekatel 8, toʻsiq 6, koʻmuvchi ishchi organ 7 lardan tashkil topgan.
Gʻoʻza qator orasiga bugʻdoy ekish tajribaviy agregatning texnologik ishlash sxemasi
|
