1.10-rasm.
Koʻrsatilgan burchaklar va tezlik oshganda begona oʻtlarni qirqish foizi ortishi aniqlandi. U oʻtkazilgan tajribalar asosida tuproqning maydalanish sifati va begona oʻtlarni qirqilish darajasi boʻyicha bir tomonlama yassi qirquvchi panjaning ochilish burchagini 400 va uvalanish burchagi 120 boʻlishi kerak degan xulosaga keldi.
A.Nasriddinov pushtaga ekilgan gʻoʻza qator oralariga ishlov berishda ish organlarining joylashish sxemalarini tadqiq qilib, yassi qirquvchi panjalarni joʻyak yonbagʻrlariga tigʻi bilan qatorlarga qaratib oʻrnatishni tavsiya qiladi (1.11-rasm). Oʻqyoysimon panjani esa joʻyak oʻrtasiga ishlov berishda foydalanish kerakligini tavsiya etadi.
Pushtaga ekilgan qator oralariga ishlov berishda ishchi organlarni joylashtirish sxemasi
1.11 - rasm.
A.Nasriddinov ham boshqa tadqiqotchilar kabi ish organlari bunday joylashtirganda kultivatorni gabarit oʻlchami va qarshilik kuchi ortib ketishini hisobga olmagan [28].
OʻzMEI olib borilgan tajribalar 60 sm li gʻoʻza qator oralariga birinchi ishlov berishda har bir qatorga ikki juft rotasion yulduzcha, 165 mm li qamrov kengligiga ega boʻlgan ikkita pichoq va oʻqyoysimon panja (1.12-rasm) oʻrnatilishi maqsadga muvofiq ekanligini koʻrsatdi.
60 sm li qator oralariga birinchi ishlov berishda ish organlarini joylashtirish sxemasi.
1.12-rasm
90 sm li qator oralariga birinchi ishlov berishda ish organlarini joylashtirish sxemasi.
1.13-rasm
Yumshatuvchi panja bilan birgalikda oʻrnatilgan chuqur yumshatuvchi panjani joylashtirish sxemasi
1.14-rasm
Rotasion yulduzchalar birinchi ishlov berishda 3-5 sm himoya zonasi bilan 3-5 sm chuqurlikga, keyingi ishlov berishda 7-8 sm chuqurlikga, britvalar 10 sm himoya zonasi bilan 6-8 sm chuqurlikga va oʻqyoysimon panja qator oʻrtasiga 12-14 sm chuqurlikda oʻrnatiladi.
90 sm li gʻoʻza qator oralarini kultivasiya qilishda har bir qator orasiga 1.13-rasmda koʻrsatilgandek ikki juft rotasion yulduzcha, toʻrtta bir tomonlama yassi qirquvchi pichoq hamda egat oʻrtasiga bitta oʻqyoysimon panja oʻrnatiladi.
| 