Tadqiqotning amaliy natijasi quyidagilardan iborat:
mintaqa shahar va tumanlarining barqaror ijtimoiy-iqtisodiy rivojlanish
darajasini baholash hamda ular orasidagi tafovutlarni aniqlashning takomillashtirilgan
usuli asoslab berilgan;
mintaqa shahar va tumanlarini klasterlarga (sinflarga) ajratish va ularni barqaror
ijtimoiy-iqtisodiy rivojlantirishning ustuvor yoʻnalishlarini aniqlash asoslab berilgan;
mintaqani barqaror ijtimoiy-iqtisodiy rivojlantirishga ta’sir etuvchi omillarni
uzoq va qisqa muddatli ta’sirini hisoblash va bu orqali innovatsion taraqqiyot
sharoitida mintaqani barqaror ijtimoiy-iqtisodiy rivojlantirish uchun aniq chora-
tadbirlarni belgilash imkoniyati yaratilgan;
mintaqani barqaror ijtimoiy-iqtisodiy rivojlanishining asosiy yoʻnalishlari va
istiqbollarini aniqlashning koʻp variantli ekonometrik modellar asosida oʻrta muddatli
davrga prognoz koʻrsatkichlari hisoblab chiqilgan.
Tadqiqot natijalarining ishonchliligi dissertatsiyada qoʻllanilgan yondashuv,
xususan, miqdoriy usullarning maqsadga muvofiqligi, ma’lumotlarning rasmiy
manbalar, jumladan, Oʻzbekiston Respublikasi Davlat statistika qoʻmitasi davriy
hisobotlaridan olinganligi, keltirilgan tahlil va tajriba-sinov ishlari samaradorligi
tadqiqotchi tomonidan ishlab chiqilgan va qoʻllanilgan ekonometrik modellar va
statistika usullari vositasida asoslanganligi, xulosa, taklif va tavsiyalarning
amaliyotga joriy etilganligi, olingan natijalarning vakolatli tuzilmalar tomonidan
tasdiqlanganligi bilan belgilanadi.
Tadqiqotning ilmiy va amaliy ahamiyati. Tadqiqot natijalarining ilmiy
ahamiyati tadqiqot jarayonida olingan ilmiy taklif va amaliy tavsiyalardan mintaqani
barqaror ijtimoiy–iqtisodiy rivojlanish darajasini baholash hamda unga ta’sir etuvchi
omillarni uzoq va qisqa muddatli ta’sirini aniqlash boʻyicha ilmiy apparatni boyitish
hamda istiqboldagi strategik vazifalarni ishlab chiqishda foydalanish mumkinligi
bilan izohlanadi.
Tadqiqot natijalarining amaliy ahamiyati dissertatsiyadagi statistik usullar va
ekonometrik modellar, taklif va xulosalardan mintaqani barqaror ijtimoiy–iqtisodiy
rivojlantirish boʻyicha oʻrta va uzoq muddatga moʻljallangan istiqbolli mintaqaviy
9
dasturlarni ishlab chiqish, shuningdek, oliy oʻquv yurtlarida “Ekonometrika asoslari”,
“Makroiqtisodiy tahlil va prognozlash”, “Statistika” kabi fanlarni oʻqitish jarayonida
va sohaga oid ilmiy tadqiqotlarni amalga oshirishda foydalanish mumkinligi bilan
belgilanadi.
