116
metodın islep shıg’ıw yamasa tan’law; geografiyalıq oyında qatnasatug’ın
personajlar ortasındag’ı baylanıslardı islep shıg’ıw.
Geografiyalıq oyınlar individual, toparlı h’a’m ulıwmalıq tu’rlerge
bo’linedi. Olardın’ h’a’mmesi belgili bir oqıw sharayatlarında qollanıladı.
Geografiyalıq oyınlar syujetli-rolli, do’retiwshilik, isbilermenlik, konferentsiya
h’a’m basqa tu’rlerge bo’linedi.
Syujetli-rolli oyınlar ta’biyiy h’a’m sotsial-ekonomikalıq qubılıslar
ortasındag’ı baylanıslıqtı u’yreniwge bag’darlang’an boladı.
Do’retiwshilik oyınlar oqıwshılardın’ da’slep alg’an bilimlerine tiykarlanıp,
belgili bir mashqalalı geografiyalıq ma’seleni didaktikalıq oyın arqalı sheshiwge
mo’lsherlengen boladı.
İsbilermenlik yaki biznes oyınlar ekonomikalıq geografiyalıq sabaqlarında
ko’birek qollanıladı.Bunday geografiyalıq ma’seleler geografiya oyınları
ja’rdeminde sheshiledi.
Geografiya pa’ninde qollanılatug’ın oyınlardı eki toparg’a bo’liwimiz
mu’mkin: a) ta’biyiy geografiyalıq oyınlar h’a’m ekonomikalıq sotsiallıq
geografiyalıq oyınlar.
