117
Joqarıda keltirilgen ta’biyat qubılıslarının’ h’a’r biri boyınsha ju’da’ ko’p
didaktikalıq oyınlar islep shıg’ıw mu’mkin.
7-klassta “Orta Aziya paydalı qazılmaları” toparlı oyındı sho’lkemlestiriw.
Orta Aziya jazıwsız kartası sonday bo’leklerge ajıratılg’an onın’ h’a’r bir
bo’leginde belgili qazılma a’lbette bolsın. Bo’leklerge say etip kartochkalar
kesiledi onın’ h’a’r birine qazılma ka’ninin’ ornı jazılıp shıg’ıladı. Ma’selen,
Angren, Palwan tas, Baysun.
Basqarıwshı kartochkaların jıynap alıp jazıwsız kartalardı oyın
qatnasıwshılarına tarqatadı. Oyındı basqarıwshı orın atları jazılg’an kartochkalardı
birimlep alıp oqıydı h’a’m qatnasıwshılardan kimnin’ qol ko’teriwin baqlaydı qol
ko’tergen oqıwshıg’a kartochkanı beredi, usı kartochka jazıwsız kartanın’ kerekli
ornına qoyılıwı kerek. Qashan oyın qatnasıwshılarının’ biri jazıwsız kartalardı
kerekli kartochkalar menen toltırıp bolg’annan son’, oyın tawsıladı h’a’m
oqıwshını jen’impaz dep esaplaydı. Ulıwmalıq geografiyalıq oyınlar 2-3 parallel
klasslar menen o’tkiziliwi mu’mkin. Oyınlar a’dette sherek aqırında yaki oqıw jılı
aqırında, bayramlarda, mektep olimpiadalarında o’tkiziliwi mu’mkin.
