|
-rasm. Armaturani termik mustahkamlovchi uskuna
|
bet | 55/81 | Sana | 23.05.2024 | Hajmi | 101,09 Mb. | | #250860 | Turi | Учебник |
Bog'liq Тех.компл.-дарслик (3)12.11-rasm. Armaturani termik mustahkamlovchi uskuna
Uskuna yuklovchi konveyer 1, qizdiruvchi moslama 2, suv to‘ldirilgan vanna 3, termik bo‘shatish moslama 4 va konteyner 5 dan iborat.
Yuklovchi konveyer yordamida armatura simlari qisuvchi moslama 6 va pnevmosilindr 7 yordamida qisiladi va elektr toki yordamida qizdiriladi. Qizdirish jarayonida armatura 5-10 n/mm2 kuch bilan tortiladi.
800-1000 0S gacha qizdirilgan armatura suv to‘ldirilgan vannaga tashlanadi va tezkorlik bilan sovitiladi. Konveyer 9 yordamida armatura vannadan olinadi va termik bo‘shatish moslamasining qisqichlarida mahkamlanadi. So‘ng elektr toki bilan 350-450 0S haroratigacha qizdirilib, armatura termik bo‘shatiladi. Bo‘shatilgan armatura itargich 11 va gidrosilindr 12 yordamida konteyner 5 ga uzatiladi.
12.7. Armatura po‘latlarini sovuq holatda cho‘zish yo‘li bilan mustahkamlash
Armaturani sovuq holatda cho‘zish yo‘li bilan mustahkamlash uchun turli gidravlik domkratlardan foydalaniladi. Ayrim hollarda armaturani mustahkamlash uni qolipga o‘rnatish jarayonida bajariladi.
Armaturani sovuq holatda cho‘zish yo‘li bilan mustahkamlovchi uskuna 12.12 – rasmda keltirilgan.
Uskuna quyidagicha ishlaydi. Ikki dona armatura 13 qisqichlar 3 yordamida mahkamlanadi va elektromotor 18 ishga tushirilib, zanjir 17 orqali gayka 16 aylantiriladi va tortgich 15 orqali armatura tortila boshlaydi. Tortgich 7 richag 6 bo‘ylab ponalar 9 yordamida harakatlanishi mumkin. Kerakli kuchlanishga erishilganda richag 10 ko‘tarilib knopka 12 ni bosadi va elektromotor 18 o‘chiriladi.
Ushbu uskuna 100 m gacha bo‘lgan armaturani mustahkamlashga mo‘ljallangan.
12.12-rasm. Armaturani sovuq holatda cho‘zish yo‘li bilan mustahkamlovchi uskuna
1-tortgich, 2-traversa; 3-mahkamlagich; 4,6,10-richaglar; 5,7-tortgichlar; 8-rama; 9-ponalar; 11-yuk; 12-o‘chirish knopkasi; 13-armatura simlari; 14-traversa; 15-vint; 16-gayka; 17-zanjir; 18-elektromotor
|
| |