5 Bahor >>> Python dasturlash tilida o’zgaruvchilarni qanday turga tegishli ekanligini
e’lon qilish shart emas. Python dasturi ma’lumot tiplarini avtomatik ravishda
aniqlaydi. Yana bir muhim jihati shundaki, o’zgaruvchilar turlarini dasturning
ichida istalgan paytda o’zgartirish mumkin. Masalan:
k = 5 #k-butun son
matn = "bahor"
k = "keldi" #k-endi satr
print(k)
print(matn)
Natija: keldi
bahor
>>> Satrli o’zgaruvchilar odatda, qo’shtirnoq yoki bir tirnoqlar orasiga
yozilishi bilan e’lon qilinadi.
matn = "bahor" matn = ‘bahor’
Bu yerda ikkala o’zgaruvchi ham bir xil bo’lib dastur bajarilishida bir xil
natijani beradi.
O’zgaruvchi nomlari. Dastur yaratishda har bir o’zgaruvchiga alohida
nom berish zarur. Biroq har qanday nom ham o’zgaruvchilar uchun
berilavermaydi. Ularni ifodalash uchun muayyan qoidalar mavjud:
➢
O’zgaruvchi nomi albatta harf yoki oddiy tag chiziq bilan boshlanishi
lozim;
➢
O’zgaruvchiga beriladigan nom umuman raqam bilan boshlanmasligi
lozim;
➢
Har qanday o’zgaruvchi nomi faqat harflar, ixtiyoriy raqamlar hamda faqat
tag chiziqdan iborat bo’lishi mumkin;
➢
Boshqa tillardagi kabi o’zgaruvchilarni nomlashda katta va kichik harflar
farqlanadi (masalan: nur, NUR, Nur, nUr – bular har xil o’zgaruvchilar);
➢
O’zgaruvchi nomini berishda so’zlar orasida bo’sh joy (probel)
bo’lmasligi kerak;
➢
O’zgaruvchi nomi quyidagi kalit so’zlardan iborat bo’lmasligi maqsadga
muvofiqdir.
Quyida to'g'ri va noto’g’ri nomlangan o'zgaruvchilar nomlariga misol
keltiramiz: