|
Hujjatlarni tovushlar bilan to’ldirish
|
| bet | 34/38 | | Sana | 05.02.2024 | | Hajmi | 10,98 Mb. | | #151659 |
Bog'liq 7 -bob Hujjatlarni tovushlar bilan to’ldirish
Ixtiyoriy tovushli fayl maxsus bo’lsada, muayyan hujjatni o’z ichiga oladi va uni boshqa, masalan, matnli fayl bilan tutashtirish mumkin. Natijada matnli fayl tovushlar bilan to’ldiriladi. Bunday tutashtirishni hujjatlarni tovushlar bilan to’ldirish deb talqin qilishimiz tabiiy albatta. Agar mos hujjatning piktogrammasida sichqoncha klavishasi ikki marta bosilsa, mos tovushlar ifodalana boshlaydi. Tovushli to’ldirmalar bilan ishlash buyruqlari dastlabki tavsiyanomada joylashtiriladi. Xususan, agar sichqoncha bilan kerakli tovushlarni ifodalash ma’qul bo’lmasa, Play (Воспроизвести) buyrug’idan foydalanish mumkin. Agar tovushli qism mos ravishda ajratilgan bo’lsa, Edit/Object (Правка/Объект) buyrug’idan ham foydalanish mumkin.
Tovushli faylni muayyan matnli hujjat bilan tutashtirish, aniqrog’i, uning ichiga tovushli faylning nusxasini joylashtirish uchun Sounf Recorder dasturi vositasida audiofaylni ochamiz va tavsiyanomaning Edit (Правка) bandidagi Copy (Копировать) buyrug’ini beramiz. Natijada tovushli fayl yozuvlari ma’lumot almashish buferiga joylashtiriladi va an’anaviy uslublardan foydalanib bu ma’lumotni hujjatga joylashtira olamiz.
Windows 95 tarkibiga kiruvchi Media Player dasturi multimedia fayllarini ifodalovchi universal vosita rolini o’ynay oladi. Shu bois ham u Windows 95 ning ruscha variantida Универсальный проигрыватель deb ataladi.
Bu dastur:
MIDI fayllarni ifodalash;
videofayllarni ko’rish;
tovushli kompakt disklarni tiklash;
WAV fayllarni ifodalash imkonini beradi.
Dasturdan odatda birinchi va ikkinchi masalalarni echishda foydalaniladi. Qolgan masalalarni echish uchun yuqorida tavsiflangan CD Player va Sound Recorder dasturlaridan foydalanish maqsadga muvofiq.
Media Player dasturini ishga tushirish uchun tizimning bosh tavsiyanomasidagi Programs/Accessories/Multimedia/Media Player (Программы / стандартныe / мультимедиа / универсальный проигрыватель) buyrug’idan foydalanamiz.
Endi Media Player dasturi darchasini tavsiflaymiz. Darchadagi siljigich ochilgan multimedia fayl ichidagi holatni o’zgartirish imkonini beradi. Uning tagida o’lchash tasmasi mavjud. Undagi ko’rsatkichlar birliklarini o’zgartirish tavsiyanomaning Scale (Шкала) bandidagi buyruqlar bilan bajariladi.
|
| |
