Polistirolni blokda harorat ta`sirida olish.
Ishdan maqsad, polimerlarni hech qanday erituvchilarsiz o`z monomeri massasida polimerlanishni o`rganishdir.
Reyaktsiya quyidagi sxema bo`yicha ketadi:
Xom ashyo: yangi haydalgan stirol 10 ml
Jihozlar: qalin devorli ampula 50 ml; pipetka; isitish shkafi; termomexanik egri chiziqni aniqlaydigan asbob; suyuqlanmaga o`tish haroratini aniqlaydigan asbob.
Hajmi 50 ml bo`lgan qalin devorli ampulaga o`lchovli pipetka yordamida 10ml stirol solinadi. Ampulani alanga yordamida kavsharlab berkitiladi va 170oC gacha qizdirilgan issiq shkafga qo`yilib 3-4 soat davomida ushlab turiladi. So`ngra ampulani olib sovitiladi va olov taftida ehtiyotlik bilan ochilib kengaygan qismini egov bilan kesiladi. Matoga o`ralgan ampulani urib blok polimerni bo`shatish uchun kesilgan qismidan sindiriladi va natijada qattiq, shaffof, rangsiz, stirolning og`irligiga nisbatan 98%gacha polistirol olinadi.
Topshiriq
Polistirolni harorat bo`yicha deformatsiyasini (termomexanik egrisini) quyidagi asboblarni birida (Jurkov asbobida, Kargin tarozida (Rasm 34) yoki Xepler (Rasm 35) konsistometrida hamda suyuqlanmaga o`tish haroratinini aniqlang.
Adabiyotlar:
1. Magrupov F.A. "Sintetik va tabiiy yuqori molekulali birikmalar kimyoviy texnologiyasi" fanidan ma`ruzalar matni. Toshkent 2007.
2. A.P.Grigor'ev, O.Ya.Fedotova "Laboratorniy praktikum po texnologii plasticheskix mass" Moskva, Vis. shk. 1986.
3. Magrupov F.A.,Polimerlar va plastik massalar texnologiyasidan laboratoriya amaliyoti. Toshkent 2007, (elektron variant)
|
