16
Fizikalıq shama qansha kóp márte ólshenip, onıń ortasha mánisi
tabılsa, shama sonsha anıq shıǵadı.
Ayırım ólshew ásbaplarına onıń ólshew qáteligi procentlerde de
jazıp qoyıladı. Mısalı, ±5 degen jazıw ásbap kórsetkishi haqıyqıy
shamadan +5 yamasa -5 procentke parıqlanatuǵının kórsetedi.
Shamalar ólshew qáteligin esapqa alǵan halda tómendegishe jazıladı:
A = a ± ∆
a,
bunda
A – ólshenip atırǵan shama,
a – ólshew nátiyjesi, ∆
a – ólshewler
qáteligi (∆ – grekshe «delta» háribi).
1. Ólshew ásbaplarınıń ólshew shegarası degende neni túsinemiz?
2. Ólshewler qáteligi qalay anıqlanadı?
3. Ne sebepten ólshewler tákirar ótkeriledi?
4. 2-súwrette keltirilgen ásbaplardıń ólshew anıqlıǵı hám
shegarasın aytıń.
