11
termometr menen onıń temperaturası ólshep barıladı. Ol yamasa bul
gipoteza aytılǵanda onıń durıs yamasa nadurıslıǵın eksperiment ótkerip
anıqlaymız.
Solay etip, fizikalıq bilimler tómende keltirilgen izbe-izlikte orın-
lan ǵan jumıslar arqalı payda etiledi eken:
baqlawlar
→ gipoteza → eksperiment → juwmaq.
Tájiriybeler ótkeriwde hám baqlawlar alıp barıwda, ólshew jumısların
orınlaw ushın
ólshew ásbaplarınan paydalanıladı (2-súwret).
Olardan
ayırımları júdá ápiwayı dúzilgen. 2-súwrette keltirilgen ásbaplardan
biri shtangencirkul bolıp, denelerdiń qalıńlıǵın yamasa sańlaqlardıń
keńligin ólshewde paydalanıladı.
Ólshew lentası
Shtangencirkul
Tárezi
Sızǵısh
Menzurka
Sekundomer
2-súwret.
Júdá anıq hám quramalı ólshewlerde quramalı ásbaplar qollanıladı.
Mısalı, waqıttı, tezlikti, hawa basımın ólsheytuǵın ásbaplar.
1. Gipoteza degende ne túsiniledi?
2. Baqlaw eksperimentten nesi menen parıqlanadı?
3. Ólshew ásbapları qanday maqsetlerde qollanıladı?
4. Siz jáne qanday ólshew ásbapların bilesiz?
12
Ámeliy tapsırma
Sekund strelkası bar bolǵan saat yamasa mobil telefondaǵı
saattan paydalanıp bir minutta ózińizdiń hám joldasıńızdıń
júrek soǵıwın sanań.
