67
Metall manometrdiń tiykarǵı elementi (1) doǵa tárizli truba bolıp,
bir ushı bekitilgen (38-súwret). Ekinshi ushı (4) kran arqalı basımı
ólshenetuǵın ıdısqa jalǵanǵan. Kran ashılǵanda truba ishindegi basım
artıp iyiledi. Iyiliw rıchag (5) hám tisli degershikler (3) arqalı strelkaǵa
(2) beriledi.
Ámeliy tapsırma
Stakanǵa yarım etip suw quyıń. Awzın qaǵaz benen jawıp,
qol menen qaǵazdı uslap, stakandı tóńkeriń. Qolıńızdı qaǵaz-
dan alsańız stakandaǵı suw tógilmeydi. Sebebin túsindiriń.
1. Atmosfera basımı bar ekenligin jáne qanday tájiriybeler tastıyıq-
laydı?
2. Ne sebepten atmosfera basımı ózgerip turadı?
3. Atmosfera basımı Jerden joqarıǵa kóterilgen sayın qalay ózgerip
baradı?
