|
Oqıtıw qurallarınıń tálim-tárbiyalıq áhmiyeti
|
| bet | 3/24 | | Sana | 30.05.2024 | | Hajmi | 2,98 Mb. | | #257991 |
Bog'liq Шахноза магистр1.1. Oqıtıw qurallarınıń tálim-tárbiyalıq áhmiyeti
Tikkeley qabıl etiw múmkin bolǵan zatlar tiykarınan alıp barılatuǵın tálim kórgizbeli tálim dep ataladı. Tálim beriw kórgizbeli qurallarınıń roli júdá úlken. Ataqlı pedagog K.D.Ushinskiy balanıń esinde qanday da bir zattıń bekkem ornalasıp qalıwın qálewshı pedagog balanıń seziw organların múmkinshiligi barınsha kóbiregin kózi, qulaǵı, dawıs organları, bulshıq et sezgi jáne hátte ilájı bolsa iyis jáne dám biliw organların este tutıp qalıw processinde qatnastırıwǵa háreket qılıwi kerek degen edi.
Kórgizbe quralları tálimin ańlı biliwinde júdá úlken áhmiyetke iye. Biologiya tirishilik haqqında pán. Sonlıqtan biologiyanı oqıtıw processinde tábiyiy kórgizbeli quralları-ósimlikler, haywanlar, zamarıqlar, prokariot organizmlerden keń paydalanıwı tábiyiy bir hal. Kórsetpeli tálim tek tábiyiy kórgizbe quralları ǵana emes, sonıń men birge súwretlew kórgizbe qurallarına da tiykarlanadı.
Kórsetpeli quralları bolǵanda ǵana oqushı tábiyattaǵı zatlar jáne hádiyselerdi óz-ara salıstırıwı, olardıń óz-ara uqsaslıqları, ayırmashılıqların anıqlay alıwı múmkin.
Kórgizbeli quralları járdeminde oqushı úyrengen oqu materialın analiz, sintez, abstrakciyalaw, ulıwmalastırıw, konkretlestiriw, sistemalastırıw, juwmaq shıǵarıw sıyaqlı aqlıy operaciyalardı ámelge asırıwı múmkin.
Biologiya tiri janzatlardıń qorshaǵan ortalıq penen baylanıslıǵın úyreniwshı ilimiy-izertlew páni esaplanadı. Bir ólshem kórnislerge iye sabaqlıqlar járdeminde úyreniwde barlıq organlar bólimlerin hám olardıń funkciyaların túsiniw qıyın. Biologiya sabaqlıqlarında kórnisler hám diagrammalar kóp. Adam denesiniń úsh ólshemdegi súwretlengen hám bir organ iskerligi sáwlelengen virtual prezentaciyalardı kóz aldıńızǵa keltiriń. Bunday prezentaciyalar oqıwshılar uzaq waqıt este saqlawına múmkinshilik beredi. Kletkalardıń dúzilisin sabaqlıqtan oqıp túsiniw bir qansha quramalı boladı. Kórgizbeli súwretlerden paydalansa, kórnisler jánede erkin hám túsinikli boladı. Házirde dáslepkidegi klass taxtasında por menen jazıw hám kórgizbeli súwretlerden paydalanıw maqsetke muwapıq boladı.
Oqıtıwshılar jáne nátiyjeli oqıtıw ushın proektorlar hám axborot kommunikaciya texnologiyalardan paydalanıp, janlı oqıw klassların shólkemlestiriw lazım.
AKTdan paydalanıw kúndelikli turmıstıń aktual` talabı esaplanıp, jámiyetti globallastırıwda áhmiyetli rol` oynaydı. Oqıwshılar jańa túsinikler haqqında rásmiy bilimlerdi toplamasdan, balki olardı túsinip alıwları júdá áhmiyetli. Biologiya pánin oqtıw elede nátiyjeli bolıw ushın oqıw shınıǵıwları dawamında oqıwshılar AKT nı islep shıǵarıwları hám onnan paydalanıwdı xoshametlew zárúr.
Biologiya páni oqıtıwshıları sabaq oqıtıw ushın nátiyjeli AKT jaratıwı ushın Ms Vord, Ms Excel, Ms Power Point, Flash, Movie Maker uqsaǵan túrli dásturiy qurallardan hám basqa “Veb” qurallardan paydalanıwı múmkin.
AKT oqıwshılar xoshametlenedi hámolardıń qızıqıwshılıǵın arttıradı.
|
| |
