|
II-BAP. BIOLOGIYa TARAWİNDA OQITIWDA TÁLIM HÁM TÁRBIYA SAPASİN ASİRİWDA MÚMKINSHILIK JARATİWSHİ TEXNOLOGIYALAR
|
| bet | 7/24 | | Sana | 30.05.2024 | | Hajmi | 2,98 Mb. | | #257991 |
Bog'liq Шахноза магистрII-BAP. BIOLOGIYa TARAWİNDA OQITIWDA TÁLIM HÁM TÁRBIYA SAPASİN ASİRİWDA MÚMKINSHILIK JARATİWSHİ TEXNOLOGIYALAR
1. Oqıtıwshınıń oqıw materialin bayan etiw metodi, bunda sózlep beriw, lekciyalar, gúrrińlesiwler, ekskursiyalar, demonstraciyalıq tájriybeler hám kórgizbeli Oqıtıwdiń basqa qurallardan paydalaniw.
2. Erkin islew metodlari-laboratoriyalıq jumislari, ámeliy shiniǵiwlar hám ádebiyat penen islesiw.
Oqıtıwshı talabalarǵa tábiyatqa uliwma ilmiy, materialistikalıq qarawdı:
a) duńyanıń ob'ektivligin,
b) tábiyattıń materiallılıǵın,
v) materiyanıń mángiligi,
d) duńyanı bilip alıw múmkinligin belgilep beriwshı ideyalardi áste-aqırın, tolıq ximiya kursı dawamında túsindirip baradı.
Metodikalıq principleri. - Talabalarda dialektikalıq materialistikalıq duńyaqaras tiykarlarin payda etiw processiniń fundamenti ximiya bolip tabiladi:bul jumistiń jetiskenligi dáslep ximiya páni oqıtıwshınıń sabaqti tuwri baǵdarda alıpr bariwina baylanisli boladi.
- Talabalar zatlardiń ózi hám olar menen bolatuǵın ózgerislerdiń qansha kóp túsinigine iye bolsa olardiń dialektik-materialistikalıq juwmaqlari sonsha kóp túsiniklerge iye boladi.
- Mektep ximiya kursina tariyxiy kóz qarası menen talabalarda pánniń ózi haqqinda duris túsinikke iye boliw eń áhmiyetli qurallardan biri.
- Tárbiya tamaninan, ximiya kursinda zatlardiń klassifikatziyasına tiyisli másele júdá ulken rol` oynaydı.
- oqıwshılarda dialektik-materialistikalıq duńyaqaras tiykarlarin payda etiw ushin, júdá kishkene bólekshelerdiń hám pútin materiyanıń óz-ózinen xáreketlenip bóleksheleriniń mexanikalıq suwrette jilshiwsiwdan ibarat bolip qalmay, yaǵniy bul xáreketleniw waqtinda bólekshelerdiń sekiriw menen bolatuǵın sıpat ózgeriwin hám talabalarǵa dálillep beriw júdá áhmiyetli boladi.
Oqıtıwshı jańa pedagogikalıq texnologiyalar dástúrshisi hám onı ámeliyatǵa alıp shıǵıwshı qániyge. Jańa pedagogika kóz-qarasınan oqıtıwshı sabaqta áhmietli rol oynaydı yaǵhiy ol talabanıń erkin islewi, izleniw hám bilim alıw processiniń shólkemlestiriwshisi waziypasın atqaradi. Oqıtıwshıda qáliplesken bilim, kónlikpe, tájriybe, oqıtıw qurallari, zamanagóy pedagogik texnologiyalar imkaniyatlarin maqsetke muwapiq jóneltire alıwqábiletlerine iye bolip,ol mámleketlik tálim standartlari tiykarinda tálim alıwshıǵa anıq maqsetti belgilep beredi.
Uluwma alǵanda búgingi dáwir oqıtıwshısi talabalarǵa tálim hám tárbiya beriw menen birge olardi tez pát penen rawajlanip baratirǵan turmisqa tayarlap bariwi kerek.Jańa pedagogikalıq texnologiyalar usi máseleni sheshiwde tiykarǵi usil bolıwı da múmkin. Házirgi kúnde tálim beriwdiń jańa formalari hám túrlerin qollaw dáwir talabi.Tálim hám tárbiya birinshi náwbette hár tárepleme jetik,barkamal, óz pikiri hám qaraslarina iye shaxsti tárbiyalawǵa xızmet etiwi lazım. Bul processte oqıtıwshınıń roli úlken áhmietke iye.
|
| |
