|
) Natyurmort islew boyinsha juwmaqlaw jumislari
|
| bet | 8/8 | | Sana | 25.06.2024 | | Hajmi | 228,5 Kb. | | #265637 |
Bog'liq Otepov Jahanger İbaydulla ulı3) Natyurmort islew boyinsha juwmaqlaw jumislari
Natyurmort islewdegi qoyilg`an waziypalardi bir qatar orinlang`annan son`, natyurmort jumisin uzaqtan karap uliwmaliq ko`rinisin, zatlardin` deke ha`m refleksli ren`lerin, jaqtiliq-saya qatnaslarin, proportsiyalarin jaylastiriliwi, perspektivaliq ko`rinisinin` duris tabilganlig`i ha`m ko`rsetilgenligi, alding`i ha`m artqi plandag`i zatlardin` qatnasi fonnin` rolin aniqlap ko`rip shig`amiz. Jumisti ha`r zaman uzaqtan turip ko`rip shig`iw ju`da` paydali, sebebi uzaqtan qarag`anda zatlardin` su`wreti toliq qabil etiledi. Jaqinnan qarag`anda bolsa ha`r bir detallarg`a itibar berip islese boladi.
Joqarida aytilg`an barliq jumislardi bolg`annan son`, sog`ilg`an natyurmortimizdi uliwmalastiriwimiz kerek. Sebebi su`wret saliw protsessinde buyimlardin` detallarinan ha`r birewine ayriqsha kewil bo`linbese, jiyi ushirasip turatug`in kemshiliklerdin` aqibetinde ekinshi plan predmetleri menen aralasip turg`an illyuziyani tuwdiradi. Bunday awhalda durislaw ushin natyurmorttin` predmetlerine uliwmalastirip yag`niy, ha`mme buyimlardi bir-biri menen baylanisti ko`rip, arqa plandag`ilardin` (drapirovkalardin`, fonnin`) baylanislarin uliwmalastiriwg`a boladi. Su`wretlew o`neri sabaqlarin jaqsi o`zlestirip atirg`an, ren`li su`wret pa`ni boyinsha kerekli ta`jiriybege iye bolg`an talantli studengtlerge, oqitiwshilarg`a usinday quramaldiqta jaylastirilgan, ko`lemi ha`m san jag`inan duris oylastirilg`an, uliwmaliq bir mazmung`a iye bolg`an natyurmorpt islew jumislarin alip bariwdi, ja`ne har bir islenip atirg`an jumislarin tematikaliq, koloritlik ta`repten bayitip bariwdi usinis etken bolar edim.
Sonday-aq, natyurmortqa qoyilg`an zatlardin` materiallig`ina ayriqsha itibar beriliwi tiyis. Natyurmort o`zi «o`li du`n`ya» ma`nisinde bizin` tilimizge awdariladi, biraq sheber su`wretshiler usi ko`rinislerdi «tiriltiriw» qa`siyetine iye. Olar duris tabilg`an proportsiyalar, zatlardin` du`zilisi, formalari, perspektivaliq o`zgerislerdi aniq ko`re aliwi ha`m ko`rsete biliwi, ren`lerdin` qoyiliwi, jaqtiliq ha`m sayalardin` qatnaslarin duris ko`rsete alganlig`i ha`mde zatlardin` materiallig`in, faktrasin duris su`wretley alg`anlig`i menen o`li du`n`yani janlandira alatug`inin ko`remiz. Bunin` ushin su`wretshi o`zin qorshag`an ta`biyat, a`tirap-ortaliqti, zatlardin` qa`siyetlerin u`yrengen, ko`p baqlawlar ju`rgizgen, ko`p ma`rtelep shinig`iwlar alip barg`an ta`jiriybege iye bolg`an boliwi kerek. Zatlardin` materiallig`in ko`rsetiw- gezlemelerdin` jumsaqlig`i, na`zikligi, gu`llerdin` juqalig`i, na`zikligi, idistin` qattilig`i, tegisliklerdin` siypaqlig`i yaki gedir-budirlig`i, qopallig`i, qatti yaki jumsaqlig`i, mamiqlig`i, suyiq yaki qoyiwlig`i ha`m tag`i basqa da qa`siyetlerin ko`rsete aliwg`a aytiladi. Usi waziypalardi orinlay alg`animizda natyurmort islew barisinda aldimizg`a qoygan maqsetlirimizde toliq ha`m aniq orinlay alamiz.
|
| |
