|
Земля УзбекистанаBog'liq 3-2023-uzzamin.uzTadqiqot
natijalari
va
ularning
muhokamasi.
Hududlar kesimida oladigan bo‘lsak,
Jizzax, Qashqadaryo, Samarqand, Surxondaryo,
Toshkent viloyatida – 16 million tupdan, Andijon,
Buxoro, Namangan, Farg‘onada – 15 million
tupdan, Qoraqalpog‘iston Respublikasi, Navoiy,
Sirdaryo, Xorazmda – 14 million tupdan ko‘chat
ekilishi belgilab berilgandi. Mutaxassislarning
tavsiyasiga asosan, hududlarda ekish uchun 27
turdagi daraxt ko‘chatlari taklif etildi. Masalan,
kashtan, oqqayin, eman, yapon saforasi, shumtol,
qayrag‘och, pavloniya, terak, akatsiya, chinor,
tut, jiyda, yong‘oq, behi, uzum, qrim qarag‘ayi va
virgin archasi bizning mintaqamizga ekish va yashil
hududni kengaytirish uchun mos ko‘chatlardan deb
e’tirof etildi [6]. 2021-yilning kuzida 85 mln dona
ko‘chat o‘tqazildi.
Yurtboshimiz tashabbusi bilan daraxt
ekib yashil makonga aylantirilishi borasida olib
borilayotgan ishlar bugun umummilliy harakatga
aylandi.
Hozirda barcha shahar va qishloqlarda
daraxt ekish bo‘yicha keng ko‘lamda ish olib
borilayotgani tahsinga sazovor. Shu bilan birga
har yili kuz va bahor oylarida ekiladigan daraxtlar
parvarishiga, ularning keyingi taqdiriga ham e’tibor
qaratilishi lozimligi belgilandi.
Biroq shunga qaramasdan afsuski,
yurtimizda achinarli holatlar ham kuzatilmoqda.
O‘zAA ma’lumotiga ko‘ra hisobotlarda ko‘rsatilgan
millionlab ko‘chatlar ekilmagani ma’lum bo‘ldi.
Hisob palatasining O‘zAga maʼlum qilishicha,
“Yashil yillik” umummilliy tadbiri doirasida
2022-yil bahorida hisobotlarga ko‘ra, Respublika
bo‘yicha jami 129,6 mln dona ko‘chat ekilgan.
-Ekilmagan 6,2 mln dona ko‘chatlar
hisobotlarga qo‘shib yozilgan;
-3,4 mln dona ko‘chatlar sug‘orish tizimi
bo‘lmagan joylarga ekilgan;
-2,4 mln dona ko‘chatlar suvsizlik va yetarli
parvarish bo‘lmagani sababli bahor tugamasdan
qurib nobud bo‘lgan.
-Yerning tabiiy iqlim xususiyatlarini
inobatga olmagan holda 341 ming dona ko‘chatlar
yaroqsiz yerlarga ekilgan.
Muhtaram prezidentimiz tashabbusi bilan
mamlakatimizning bugungi va kelgusidagi ekologik
vaziyatni inobatga olib, daraxt ekish davlat siyosati
darajasiga ko‘tarildi va shuning uchun ham bu
umummilliy loyihani puxta tayyorgarlik, aniq
mablag‘i, ekiladigan hudud egasi, sug‘orish tizimi
bilan amalga oshirish lozimligi qat’iy belgilangandi
[7].
Zero har bir nihol mehr va parvarishga
muhtojdir. Vaholangki, daraxtlarni ekish va
parvarishlash jarayonini boshqarish bo‘yicha
kompleks yondashuv qabul qilinmasa, daraxtlarning
taqdiri mavhum bo‘lib qoladi. Shuning uchun
ko‘chat ekishni bioekologik va texnik-iqtisodiy
jihatdan asoslash hamda ishtirokchilarning sa’y-
harakatlarini samarali muvofiqlashtirish tizimi
zarur.
“Yashil makon” umummilliy loyihasi
doirasida 2022-yil yakunigacha 75 million dona,
2023-yil bahor oylarida yana 125 million dona mevali
3/2023
|
| |
