“Iqtisodiyot va innovatsion texnologiyalar” ilmiy elektron jurnali. № 2, mart-aprel, 2021 yil
378
2/2021
(№
00052)
http://iqtisodiyot.tsue.uz
МИНТАҚАВИЙ ТУРИЗМДА ИННОВАЦИЯЛАРДАН
ФОЙДАЛАНИШ ИМКОНИЯТЛАРИ
Умирова Дилноза Сафаровна
ТДИУ Туризм ва сервис кафедраси катта ўқитувчиси
E-mail:
dilnoza.umirova88@mail.ru
Аннотация.
Мақолада инновацияларнинг туризм соҳасида тутган ўрнига баҳо
берилган, туризмда инновацион фаолиятнинг ҳолати ва натижалари таҳлил этилган
ҳамда минтақавий туризм тараққиёти учун инновацияларнинг имкониятларидан
кенгроқ фойдаланиш йўллари келтирилган.
Калит сўзлар:
Инновация, инновацион фаолият, маркетинг инновациялари, даврий
инновациялар, бозор, туризм фаолият, билимларни бошқариш, дастур, стратегия, кадр,
инновация маҳсулоти.
Abstract.
The article assesses the role of innovation in tourism, analyzes the status and
results of innovative activities in tourism, and provides ways to make better use of innovation
opportunities for regional tourism development.
Keywords:
Innovation, innovative activity, marketing innovation, periodic innovation,
market, tourism activity, knowledge management, program, strategy, personnel, innovation
product.
Кириш
Бугунги кунда Ўзбекистон Республикасининг барча ҳудудларида юксак илмий-
техник салоҳият негизида барпо этилаётган ички ва халқаро бозор учун
рақобатбардош воситаларни яратиш имкониятига эга истиқболли соҳаларни
ривожлантириш босқичи кечмоқда. Натижада
миллий инновацион тизимнинг
ривожини таъминлаш, унинг халқаро илмий-техник тизимга интеграциясини
жадаллаштириш имкониятлари кенгаймоқда. Бу ҳолат эса мамлакатимиз иқтисодий
тараққиётини янги инновацион моделга ўтказиш учун бевосита хизмат қилади.
Шу
билан бирга, замонавий иқтисодиёт субъектларининг фаолияти амалиётга
янги ва такомиллашган ишлаб чиқариш воситалари, усуллари жорий этилишини,
маҳсулот ишлаб чиқариш харажатлари минималлаштирилишини,
экологик
меъёрларга жавоб берадиган маҳсулотлар яратилишини, уларнинг истеъмол ва сифат
хусусиятлари доимий равишда ошириб борилишини тақозо этмоқда. Бунга эса
фақатгина инновацияларни қўллаш орқали эришиш мумкин.
