|
-Mavzu: Loyihalashtirish va modellashtirish darslarini tashkil etish metodikasi
|
| bet | 47/47 | | Sana | 22.11.2023 | | Hajmi | 5,9 Mb. | | #103055 |
Bog'liq gazlama bilan ishlash darslarini tashkil etish metodikasi muazzam, 27638, Sobirjonova Durdona To‘lqinboy qizi, Toshkent tî‘qimachilik va yengil sanoat instituti, MS Umumiy pedagogikaaa 2 mustaqil topshiriq (1), Refleks va uning turlari, 0YifX8ca9fRfqjL4h7Rzbfd9lftaH50t (1), Generatorlarni-uyg‘otishni-avtomatik-rostlash-АРВ., last version, Укув дастури талаблари-09-06-2023, 1-amaliy Kompyuter tizimi administratori va uning imkoniyatlari bilan tanishish, 7-Amaliy mashg\'ulot, texnologiya va uni oʻqitish metodikasi fanining nazariy va amaliy asoslari, Boshlang‘ich sinf texnologiya darslariga kompetension yondashuv, Mutafakkirlar merosida mehnat tarbiyasi12-Mavzu: Loyihalashtirish va modellashtirish darslarini tashkil etish metodikasi
Texnik modellash mashg‘ulotlarida namuna rasm va chizmalar berilgan o‘lcham konstruktor jamlanmasining detallari yoki turli materiallarni qo‘llab og‘zaki tasvirlash bo‘yicha texnik o‘yinchoqlar, modellar va maketlar tayyorlash nazarda tutiladi. Bu mashg‘ulotlarda o‘quvchilar texnik o‘yinchoqlar va modellarni ishlatib namoyish qilishlari, ularni boshqarishlari, shuningdek, namoyish jarayonida konstruksiyaning detal va qismlari nomini aytishlari, ularning nimaga mo‘ljallanganligini bilishlari kerak. Mashg‘ulotning bu turi o‘quvchilarda konstruktor-texnik tafakkurni, mustaqil rejalashtirish va o‘ylab qo‘yilgan texnik buyum (kema, avtomashina, samolyot, raketa va shu kabilar) modelini amaliy bajara olish ko‘nikmalarini o‘stirishda juda muhim o‘rin tutadi.
Modellash obyektlari ijtimoiy foydali yo‘nalishga ega bo‘lishi, ta’lim jarayonini ko‘rgazmali qurollar bilan jihozlashga yordam berishi kerak. O‘qituvchi chizmachilikka doir ishlarni asta-sekin kiritib boradi.Texnik modellashda metall konstruktor bilan ishlash katta ahamiyatga ega. 1-sinfdagi texnik modellash bo‘yicha ishni bajarish jarayonida:
1. O‘quvchilar mashina, uning modeli va maketi haqida tasavvurga ega bo‘ladilar;
2. Qo‘l asboblari va moslamalarning tuzilishi bilan tanishadilar, chunki ularning har ikkalasi bir izchilikka asos qilib olingan;
3. Qo‘l asboblarining tuzilishi va nimalarga mo‘ljallanganligini bilishi bolalarning politexnik bilim doiralarini kengaytiradi;
4. O‘quvchilar avval o‘qituvchi yordamida, so‘ngra mustaqil tarzda modelni ko‘ra bilishlari: ularning xususiyatlarini, ayrim qismlarini, qismlar o‘lchovining bir-biriga munosabatlarini ajrata bilishlari;
5. Modelni tayyorlash uchun qanday material zarurligini aniqlay olishlari;
6. Ish joyini jihozlashlari;
7. Belgilash, o‘lchash, ishlov berish, montaj va pardozlash bosqichlarini bajarishlari;
8. Modelni sozlash va boshqarishni bilishlari lozim;
9. O‘zini-o‘zi nazorat qilish va o‘z mehnatini hisobga olishlari kerak.
Stol va stul modelini yasash. Ish uchun qalin qog‘oz yoki ingichka karton ishlatiladi, bu buyumlarni tayyorlash jarayoni oddiy.
Asosiy shart – konstruktsiya mustahkam bo‘lishi kerak. Shu maqsadda stol va stullarning oyoqchalari bukilgan, qopqoqli quticha ko‘rinishda tayyorlangan bo‘ladi.
Rejalashni, yaxshisi, parallel gorizontal chiziqlar chizishdan
boshlagan ma’qul. Bu chiziqlarda kerakli o‘lchamlar topiladi, olingan nuqtalar birlashtiriladi. Bunday izchillik buyumni tayyorlashga ketadigan vaqtni qisqartirish imkonini beradi. Taburetka ham xuddi stolga o‘xshab tayyorlanadi. Lekin uning o‘lchamlari stolga nisbatan salkam bir necha marta kichik bo‘ladi. Divan va kreslo modelini yasash. Ish uchun turli rangdagi qalin qog‘oz yoki yupqa karton ishlatiladi. Buyumlarning tayyorlanishi
murakkab emas, ularni uncha-muncha ish tajribasiga ega bo‘lgan bolalar yasashi mumkin. 90 × 160 mm o‘lchamda to‘g‘ri to‘rtburchakli qog‘oz tayyorlanadi. Listning o‘rta chizig‘iga har ikki tomondan 10 mm chuqurlikda kesik qilinadi, usti va osti chetidan 10 mm oraliqda
shunday ikkita kesik qilinadi, tomonlari bukiladi. Klapanlarga yelim surtiladi va tayyorlanma yopishtiriladi, shundan keyin juda qattiq materialdan ikkita yon qismlari tayyorlanadi, divan tomonlariga yelim surtiladi va ularga detallar qotiriladi. Buyum konstruksiyasi qattiq chiqadi. Shkaf va karavot modelini yasash. Buyum bitta
yoyilma va to‘rtta oyoqchadan tayyorlanadi. 240×300 mm o‘lchamda to‘g‘ri to‘rtburchakli, jigarrang qalin qog‘oz tayyorlanadi. Rejalash qulay bo‘lishi uchun ko‘rsatilgan o‘lchamlar bo‘yicha gorizontal chiziqlar tortiladi va kerakli nuqtalar topilib, vertikal chiziqlar
o‘tkaziladi, klapanlar qoldiriladi. Eshiklari yelimlanib yopishtiriladi. Oyoqchalar uchun qalin qog‘oz bo‘lakchalari olinadi. Ularni kesik qilinadi, klapanlar qaytariladi va asosga qotiriladi. Eshikchalarga flomaster yoki qalamda dastalar rasmi chiziladi.
Karavotning konstruksiyasi sodda, uni biroz ish tajribasiga ega
bo‘lgan o‘quvchi ham bajarishi mumkin. Buyum uchun turli rang -
dagi qalin qog‘oz yoki yupqa karton ishlatiladi. Model uchta detaldan iborat. Gorizontal detal to‘g‘ri to‘rtburchakli listdan quticha ko‘rinishida, ustini ostiga qilib bajariladi. Suyanchiq uchun juda qalin material tanlanadi. Suyanchiqning pastki qismida kesiklar qilinadi va detallar to‘rga yelimlab yopishtiriladi.
Suvda suzuvchi transport modelini yasash. Eng dastlabki kemalar butun daraxt tanasidan o‘yib yasalgan qayiqlar bo‘lgan. Ularda suzib yurish uchun uzun xodadan foydalanilgan. Bora-bora qayiq va kemalar alohida elementlardan tayyorlana boshlanadi, yangi qurilgan elementlar paydo bo‘lib, xodalar eshkaklarga almashdi. Mashg‘ulotda ish boshlashdan oldin bolalarga turli suzuvchi vositalar haqida umumiy ma’lumotlar beriladi: hozirgi zamon tushunchasida kema deganda odamlarga xizmat qiladigan dengiz va daryo vositalari tushuniladi. O‘z navbatida transport kemalari yuk, passajir, yuk-passajir kemalariga ajratiladi; yuk kemalari orasida quruq va qo‘yiladigan yuklarni tashiydigan kemalar bor; konteyner, treyler, yog‘och, ko‘mir tashuvchi va boshqalar. Turli baliqchilik kemalari
seyner, trauler, baliq zavodlaridir. Texnik maqsadlarga mo‘ljallangan kemalar – buksir, muzyorar, o‘t o‘chiruvchi, doklar, zemsnaryadlardir. Yelkanli qayiq modelini yasash. Ish uchun qalin qog‘oz; rasm daftar varag‘i yoki vatmandan foydalaniladi. Model uchta detaldan iborat: korpus, machta va yelkan. Dastlab 80×180 mm o‘lchamli qog‘ozdan korpus yoyilmasi tayyorlanadi. Ikkita parallel chiziq tortiladi. Ularning orasi qayiq kengligiga teng bo‘ladi, tumshuq qismida kesiklar qilinadi, bunda yelimlash uchun klapan qoldiriladi,
qarama-qarshi tomondan burchaklari qirqib tashlanadi. Tayyorlangan detallar ukkiga buklanadi va detal yelimlab yopishtiriladi. Yekan uchun ingichka qalin qog‘oz olinadi, u sharikli ruchka sterjeniga o‘raladi va naycha yelimlanadi. Tayyorlanma olinadi, osti qirqiladi, qopqoqcha hosil bo‘lishi uchun bukiladi va qayiqcha tubiga yelimlab yopishtiriladi. Yelim qotguncha qo‘l bilan bosib turiladi. Taxlangan qog‘ozdan qayiqcha modelini yasash. Konstruksiya jihatdan qayiq odatdan tashqari quriladi. 100×180 mm o‘lchamdagi bir varaq qattiq qog‘oz tayyorlanadi, undan qayiqcha detallari qirqib olinadi. Tayyorlanma teng yarmidan ko‘ndalangiga bukiladi va to‘rt tomonidan istalgan qiyshiq chiziq bo‘ylab kesiladi. Shundan so‘ng qog‘oz yoyiladi, yumshoq qismiga yelim surtiladi va chetlari birlashtiriladi. Yelim qurigach, quyruq qismli klapanlariga yelim surtiladi, chetlari bukiladi va qayiqcha yelimlanadi. Ish oxirida qayiqcha to‘la shaklga keltiriladi, unga qo‘shimcha jilo beriladi. Tagi uchburchak qayiq modelini yasash. Ish uchun qalin
chizma rasm yoki rasm chizishga mo‘ljallangan qog‘oz ishlatiladi. O‘lchamlar taxminiy berilgan, zarur bo‘lsa, ularni o‘zgartirish lozim. 120×190 mm o‘lchamda to‘rt burchaklisi tayyorlanadi, qayiqning quruq qismi chizib olinadi va ko‘rsatilgan o‘lchamlarda uchburchak
quriladi. Tayyorlanma qirqib olinadi va bukiladi. Qog‘oz cheti yelimlanib, tumshuq qismi yopishtiriladi. Amalda qayiq tayyor bo‘ladi.
Uchuvchi transport modellari, samolyotchalar modelini yasash. Tavsiya qilinadigan modellar – erkin uchuvchi uchish apparatlaridir. Qog‘ozdan bir necha xil samolyotchalar yasash mumkin.
Modellarni hamma yosh bolalar ham yasashi mumkin, chunki ularni yasashning konstruktiv imkoniyatlari juda ko‘p va xilma-xildir.
Qo‘l ostida doimo zarur material bo‘ladi. Ularni yasashga ketadigan vaqt ham unchalik ko‘p emas. Samolyotchalarni modellashtirish mashg‘ulotlarini darslarda, sinfdan tashqari mashg‘ulotlarda, yosh texniklar uyushmalarida, to‘garaklarda o‘tkazish mumkin. Bu kichik maktab yoshidagi bolalarning ijodiy qobilyatlarini o‘stirish imkonini beradigan mehnat faoliyatining qiziqarli turidir. Tavsiya qilingan modellar yasash tasviri bo‘yicha, ya’ni qog‘ozdan tayyorlanadi. Ish uchun qattiq rasm yoki chizma qog‘ozdan foydalaniladi.
Savollar
1. Texnik modellash nima?
2. Modellash ishlarining o‘quvchilar tarbiyasidagi ahamiyati.
3. Texnik modellar qanday materiallardan tayyorlaniladi?
|
| |
