|
Magistral, mintaqaviy va ichki tarmoqlarda qo'llaniladigan, kanallari
chastota bo'yicha ajratilgan uzatish tizimlari
|
| bet | 23/40 | | Sana | 13.05.2024 | | Hajmi | 223,88 Kb. | | #228040 |
Bog'liq Telekommunikatsiya uzatish tizimlari-www.hozir.orgMagistral, mintaqaviy va ichki tarmoqlarda qo'llaniladigan, kanallari
chastota bo'yicha ajratilgan uzatish tizimlari
Magistral va mintaqaviy tarmoqlarda qo'llaniladigan, kanallari
chastota bo'yicha ajratilgan uzatish tizimlari
Hozirgi paytda magistral tarmoqlar diametri 2,6/9,4 mmli koaksial kabel juftliklari, mintaqaning ichki tarmoqlari esa kichik diametrli koaksial yoki simmetrik kabellar orqali tashkil qilinadi. Bundan tashqari, bunday tarmoqlarda radiorele liniyalari (RRL) ko'p qo'llaniladi. Diametri me'yorida bo'lgan koaksial kabelli liniyalar orqali K-1920 P va K-3600 uzatish tizimlari, kichik diametrga ega bo'lgan koaksial kabel juftliklari orqali K-300 va simmetrik kabellar orqali K-60 P uzatish tizimlari ishlaydi. Bu barcha tizimlar bir polosali, to'rt simli sxema bo'yicha tuzilgan. Endi uzatish tizimlari haqida qisqacha ma'lumotlarni qarab chiqamiz.
K-3600 uzatish tizimi, ikkita koaksial juftlik orqali 3600 tovush chastotali kanal (TChK)ni yoki 1800 TChKni va ovozli eshittirish (OE) kanaliga ega bo'lgan televizion (TV) kanali va ikkita OE kanalini olish imkonini beradi. Tizimning liniya spektri 812-1759 kGts oraliq chastotani egallaydi, aloqa masofasining uzunligi 12500 km. Bu tizim, umumiy uzunligi 25000 km bo'lgan xalqaro aloqa uchastkalari sifatida ham qo'llanilishi mumkin.
K-3600 uzatish tizimining liniya traktida xizmat talab qiladigan kuchaytirgich punktlari (XTQKP) va xizmat talab qilmaydigan kuchaytirgich punktlari (XTQyKP) qo'llaniladi. 186 km bo'lgan XTQKP -XTQKP uchastkasida masofadan ta'minot oluvchi 61 ta XTQyKPlari joylashadi. Kuchaytirgich uchastkalarining uzunligi 3 ± 0,075 kmni tashkil etadi. Tovush chastota bo'yicha qabul qilib uzatuvchi uchastkaning maksimal uzunligi 1500 kmga teng. XTQyKP uch turga bo'linadi: acosiy (uchastka uzunligiga bog'liq holda kuchayishni sozlash), har 12 XTQyKPda sozlash va to'g'rilash imkoniyati mavjud. Sozlovchi XTQyKPlar, o'zgaruvchan avtomatik holda satxni boshqarish (o'-ASB) qurilmasiga va tuproq xarorati bo'yicha ASB qurilmasiga ega. Kabelning yillik o'rtacha xaroratining tebranish qiymatiga bog'liq holda (At) har beshinchi, (At= ± 12,5 0S) har oltinchi (t= ± 9 0S) yoki har sakkizinchi (t= ± 6,50S) XTQyKP sozlovchi hisoblanadi. Sozlovchi XTQyKPlari amplituda chastotaviy buzilishlarni sozlovchi qurilmaga ega. Barcha XQKPlarida uch chastotali tuproq harorati bo'yicha ishlovchi ASB qurilmasi qo'llaniladi.
|
| |
