| Jahon iqtisodiyoti va diplomatiya universiteti tarkibida Boshqaruv instituti
1. Davlat va tijorat tuzilmalari xodimlarini ko‘p bosqichli boshqaruv bo‘yicha tayyorlash va malakasini oshirish;
2. Boshqarish bo‘yicha valyuta-kredit va moliyaviy munosabatlar, menejment, marketing, savdo reklamalari va tashqi iqtisodiy hamkorlik, xalqaro savdo, bojxona va ma’muriy huquq yo‘nalishlari bo‘yicha qayta o‘qitish hamda malakasini oshirish;
3. Yuqori samarali va amaliy o‘qitish uchun turli shakldagi mashg‘ulotlar, munozaralar (diskussiyalar), uchrashuvlar, tashriflar, tegishli ishbilarmonlik o‘yinlari va boshqalardan foydalanishni ta’minlash va zamonaviy axborot texnologiyasi jihozlaridan foydalangan holda mahoratli o‘qitish.
Jahon iqtisodiyoti va diplomatiya universiteti tizimida Diplomatik kurslar
Diplomatik kurslarda ma’ruzalar o‘qish va seminarlar o‘tkazish uchun JIDUning yetakchi professor-o‘qituvchilari, Tashqi ishlar vazirligi, Tashqi iqtisodiy aloqalar, investitsiyalar va savdo vazirligi, Savdo-sanoat palatasi, Iqtisodiy tadqiqotlar markazi, xorijiy ta’lim muassasalari va boshqa respublika doirasidagi tashkilot va boshqarmalarning mutaxassislari, shuningdek, diplomatik vakolatxonalarning rahbarlarini jalb etgan holda o‘qitish yo‘lga qo‘yilgan.
Diplomatik kurslarning budjetdan ta’minlanadigan vazirlik va idoralarning ishchi-xizmatchilarini o‘qitish faoliyati maqsadli budjet jamg‘armalaridan amalga oshiriladi. Shuningdek, kurslarni yo‘lga qo‘yish buyurtmachilar hisobidan shartnoma va bitim asosida tashkil qilinishi mumkin.
1. Diplomatik va konsullik xizmatlari uchun oliy ma’lumotli mutaxassislardan kadrlar zahirasini izchillikda tayyorlash;
2. Tashqi iqtisodiy va tashqi siyosiy faoliyat sohasidagi vazirlik va idoralarning rahbar xodimlari va mutaxassislarining malakasini oshirish.
|
