|
2022, №1 “Pedagogik mahorat” Ilmiy-nazariy va metodik jurnal
Pdf ko'rish
|
| bet | 115/347 | | Sana | 10.01.2024 | | Hajmi | 6,23 Mb. | | #133952 |
Bog'liq pedagogik mahorat 2022 1Asosiy qism. Jahonda integrativ ta’lim (Blended Learning) asosida boʻlajak oʻqituvchilarda
kommunikativ kompetentlikni shakllantirish masalasiga doir ilmiy munozaralar va forumlarni tashkil etishga
alohida e’tibor qaratilmoqda. Boʻlajak oʻqituvchilarda kommunikativ kompetentlikni shakllantirish
integratsion
jarayonlarga
tayanadi.
Pedagogik
ta’lim
tizimida
kommunikativ
kompetentlikni
shakllantirishning interfaol texnologiyalarini ishlab chiqish, integrativ ta’lim muhitini yaratishning
pedagogik mexanizmlarini takomillashtirish, bugungi kunda muhim vazifalardan biri boʻlmoqda.
Mamlakatimiz va xorijiy davlatlar tadqiqotchilarining qarashlarini tahlil qilib aytish mumkinki,
kommunikativ kompetentlilik empatik va refleksiv qobiliyatlar bilan toʻldirilgan integratsion
kompetensiyalarning ma’lum miqdori sifatida talqin qilinadi. U maxsus oʻquv mashgʻulotlari davomida
shakllantiriladi. Ta’limning kommunikativ modelini takomillashtirish, talabalarda interfaol muloqot
koʻnikmasini shakllantirish, aniqlashtirish, kommunikativ hamkorlikni tashkil etishning interfaol
texnologiyalarini ishlab chiqish hamda samarali foydalanish, oliy ta’lim tizimida oʻquv sifat darajasini
oshirish va tubdan takomillashtirish hozirgi kunda muhim ahamiyat kasb etmoqda. Oʻzbekiston
Respublikasini yanada rivojlantirishning “Harakatlar strategiyasi”da “Ta’lim va oʻqitish sifatini
baholashning xalqaro standartlarini joriy qilish asosida oliy ta’lim muassasalari faoliyatining sifati hamda
samaradorligini oshirish, ilmiy-tadqiqot va innovatsion faoliyatni ragʻbatlantirish, ilmiy va innovatsion
yutuqlarni amaliyotga joriy qilishning samarali mexanizmlarini yaratish” [1] kabi muhim vazifalar
belgilandi. Yaqin va Oʻrta Sharqning buyuk mutafakkirlari (Imom al-Buxoriy, Abu Nasr Forobiy, Abu
Rayhon Beruniy, Abu Ali ibn Sino, Abu Yusuf al-Kindiy, Nosir Xusrav, Umar Hayyom, Muhammad ibn
Muso Xorazmiy va boshqa) koʻplab ma’rifatparvar olim-u allomalar oʻsib kelayotgan avlodga ta’lim-tarbiya
berishda oʻqituvchining roli, ayniqsa, tarbiyachining tarbiyalanuvchi bilan muloqotining ahamiyati
muhimligini ta’kidlaganlar.
Qomusiy olimlar tomonidan muloqotning mohiyati, metodlari, shakllari, vositalari va prinsiplari ishlab
chiqilgan boʻlib, ular hozirgi vaqtda ham oʻz ahamiyatini yoʻqotmagan. Xususan, yaxshilik, odob,
xushmuomalalik masalalari Imom Buxoriyning 4 jildlik “Al jome’ as-sahih” asarining bir jildida odob,
axloq, muomala, muloqot haqidagi hadislarni jam etganlar. Ushbu kitobda iymonning mukammal
boʻlmogʻining uch sharti koʻrsatiladi: toʻgʻri e’tiqodli boʻlmoq; kishilar bilan yaxshi munosabatda boʻlmoq;
kishi oʻz ustida ishlamogʻi va oʻzini ibodat va itoatga chaqirmogʻi kabilar. Iymon daraxtga tenglashtiriladi va
uning 60 dan ortiq shoxlari bor, – deb iymon belgilari sanab oʻtiladiki, bularning har biri inson ma’naviy
qiyofasining mukammallashuviga ta’sir etuvchi xislatlardir. Bular quyidagilardan iborat:
https://buxdu.uz
|
| |
