2022, № 1 “Pedagogik mahorat” Ilmiy-nazariy va metodik jurnal
121
• bilish jarayonining rivojlanishi;
• ijodiy rivojlanish.
“Jismoniy rivojlanish va sogʻlom turmush tarzining shakllanishi” sohasi quyidagi kichik
sohalarga boʻlinadi:
• yirik motorika;
• mayda motorika;
• sensomotorika;
• sogʻlom turmush tarzi va xavfsizlik.
“Jismoniy rivojlanish va sogʻlom turmush tarzini shakllantirish” sohasi kompetensiyalari
“Jismoniy rivojlanish va sogʻlom turmush tarzining shakllanishi” sohasidagi oʻquv-tarbiyaviy faoliyat
yakunlanganidan soʻng 6-7 yoshli bola:
• oʻz imkoniyatlari va yoshi bilan bogʻliq jismoniy rivojlanish me’yorlariga mos ravishda jismoniy
faollik koʻrsatadi;
• turli harakatchanlik faolligini uygʻun ravishda va maqsadli bajarishni biladi;
• turli hayotiy va oʻquv vaziyatlarida mayda motorika koʻnikmalaridan foydalanadi;
• oʻz harakatlarini hissiyot va sezgi organlari yordamida boshqaradi;
• shaxsiy gigiyena malakalarini qoʻllaydi;
• sogʻlom turmush tarzi va ovqatlanish asoslarini biladi;
• xavfsiz hayotiy faoliyat asoslari qoidalariga rioya qiladi.
Mazkur dastur bola
rivojiga individual yondashuv, uning shaxsini hurmat qilish,
uning manfaatlari,
ehtiyojlari va rivojlanish darajasini hisobga olish, hissiy qulaylik borasida gʻamxoʻrlik qilish,
erkin ijodiy
oʻz-oʻzini koʻrsatishi uchun sharoitlar yaratishga intilishni koʻzda tutadi. Shu sababli, rejalashtirish bilan bir
qatorda, bola rivojlanishini kuzatib borish pedagog faoliyatida muhim ahamiyat kasb etadi. Pedagog bolani
va uning oʻzini tutishi sabablarini yaxshiroq tushunish, bola rivojini, uning ichki dunyosini koʻrish, qoʻllab-
quvvatlash, rivojlanish yoʻllarini belgilash, ehtiyoj va manfaatlarini aniqlash uchun bola hayotini sistematik
kuzatib boradi. Pedagogik kuzatuvlar asosida ta’lim faoliyatini rejalashtirish ishlab chiqiladi va
takomillashtirib boriladi [3].
“Ilk qadam” dasturining mazmun – mohiyatiga e’tibor qaratar ekanmiz maktabgacha taʼlim
tarbiyalanuvchilarining kompetentligini rivojlantirishga qaratilganligiga guvoh boʻlamiz,
shuningdek,
Oʻzbekiston Respublikasi hukumati tomonidan tasdiqlangan ilk va maktabgacha yoshdagi bolalarni
rivojlantirishga qoʻyiladigan Davlat talablarining yangilanganligini alohida e’tirof etish lozim. Davlatning bu
ikki hujjati maktabgacha taʼlim sohasidagi boshqaruvchilar, maktabgacha taʼlim tizimidagi pedagoglar turli,
xildagi maktabgacha ta’lim tashkilotlarida taʼlim oluvchi har bir bolaning yuqori sifatli taʼlim
olishini
taʼminlash maqsadlarida yoʻriqnoma sifatida foydalanadigan asosiy hujjatlar boʻlib hisoblanadi.
