|
, № 1 “Pedagogik mahorat” Ilmiy-nazariy va metodik jurnal
Pdf ko'rish
|
| bet | 236/347 | | Sana | 10.01.2024 | | Hajmi | 6,23 Mb. | | #133952 |
Bog'liq pedagogik mahorat 2022 12022, № 1 “Pedagogik mahorat” Ilmiy-nazariy va metodik jurnal
169
maqsadga erishish koʻnikmalariga ega boʻlgan, olgan bilim va koʻnikmalarni amaliy faoliyat uchun
qoʻllashga yoʻnaltira oladigan, faol, izchil shakllangan, kompetentli mutaxassisni tayyorlashda eʼtiborni
mustaqil taʼlimni faol tashkil qilishga qaratishni bosh mezon darajasiga olib chiqishni koʻndalang
qoʻymoqda.
Bundan
tashqari,
zamonaviy
sharoitlarda,
kompyuter
va
telekommunikatsiya
texnologiyalarining keng joriy etilishi natijasida oʻquv jarayonini tashkil qilish boʻyicha yondashuvlarda
kardinal oʻzgarishlar qilinmoqda.
Taʼlim jarayonini zamonaviy talablarga moslashtirish, rivojlangan xorijiy tajribalar asosida
modernizatsiyalash va uning samaradorligini taʼminlashda oʻquvchilarning mustaqil faoliyatini tashkil etish
muhim ahamiyatga ega.
Oʻquvchilarning mustaqil taʼlim olishi uchun zarur sharoitlarni yaratish, ijodiy faoliyatga yoʻllash,
kasbiy kompetentligini shakllantirish uzluksiz taʼlim tizimining asosiy vazifalaridan hisoblanadi.
Buyuk rus matematigi S.V.Kovalevskaya aytganidek “Matematika fanini birovlarning misol–masala
yechishini kuzatib emas, balki oʻzing yechib oʻrganishing mumkin”. Zero, bir necha yillar oldin aytilgan bu
fikr hozir ham dolzarbdir. Chunki talaba yoki oʻquvchi oʻz ustida qancha koʻp mustaqil ishlasa, uning bilim
darajasi shuncha oshib boraveradi.
Mustaqillik, initsiativa, ijodkorlik, maqsadga intiluvchanlik - bu insonning mustaqil fikrini
shakllantirish uchun , hozirda va kelajakda hayotiy muhim muammolar boʻyicha mustaqil yechimlar,
qarorlar qabul qilishni takomillashtirish, rivojlantirish uchun zarur hisoblangan zamonaviy inson shaxsining
muhim sifatlari hisoblanadi. Hozirgi sharoitda ijodiy faollik va mustaqillik zamonaviy mutaxassis uchun
xarakterli hisoblanadi. Talabaning mustaqil ishini bilimlarni oʻzlashtirishning oddiy biror usuli deb
qaramaslik kerak, aksincha, oliy taʼlim muassasasi faoliyatining birdan bir asosiy prinsiplaridan hisoblanadi.
Mustaqil taʼlim yagona oʻquv jarayonining zaruriy tarkibiy qismi hisoblanadi, chunki u oʻquv jarayoni
tomonidan tashkil qilinadi, maqsadli yoʻnaltiriladi, reglamentlar qoʻyiladi va nazorat qilinadi. Shu boisdan
ham talabaning mustaqil ishini tashkil qilish, ayniqsa, axborot kommunikatsiya texnologiyalarining
rivojlanib borayotgan sharoitida, taʼlim sifatini oshirishning birdan bir prioritetli va samarali yoʻnalishlardan
bittasidir. Maʼlumki faol bilim olish va ilmiy izlanish faoliyati mustaqil izlanishlarning barcha turlaridan
unumli foydalanishni talab qiladi. Talabaning mustaqil ishi oʻquv jarayonining barcha shakllarida namoyon
boʻlmogʼi zarur. Talabaning mustaqil ishining asosiy maqsadi – oʻqituvchining rahbarligi va nazorati ostida
talabada muayyan oʻquv ishlarini mustaqil ravishda bajarish uchun zarur boʻlgan bilim va koʻnikmalarni
shakllantirish va rivojlantirishdir. Tabiiyki, talabaning mustaqil ishiga rahbarlik qilish va tashkil qilishning
asosiy prinsiplarini koʻrib chiqqanda juda katta eʼtiborni talabada oʻquv va ilmiy adabiyotlar ustida mustaqil
ishlashning mustahkam koʻnikmasini shakllantirish va rivojlantirishga qaratish darkor. Internet muhitida
berilgan topshiriq boʻyicha kerakli axborotni izlash talabada axborotni zaruriyligini anglab yetish, tahlil
qilish, undan kerali maʼlumotlarni sintez qilish va natijaviy axborotlarni izlanishlar olib borish uchun qoʻllay
bilish koʻnikmalar hamda fanlar boʻyicha topshiriqlarni, oʻquv-ilmiy izlanishlarni, ilmiy izlanishlarni
mustaqil tarzda olib borish va nazorat qilish boʻyicha tajribalar, metodikalar shakllanadi.
|
| |
