2024-yil-Кафедра-конференцияси pdf

7 
 
Kirish so‘zi 
Zamonaviy taraqqiyotga erishayotgan mamlakatlarning bosib o‘tayotgan 
qadamlariga diqqat qilinsa, ilmiy-tadqiqot va boshqa turdagi ta’lim muassasalarida 
innovatsion texnologiyalarni qo‘llash, uni integratsiyalash orqali takomillashtirib 
borish pedagogik faoliyatda strategik rivojlanishning muhim omili sifatida 
qaralmoqda. Ta’lim sohasida innovatsiyalarni yaratish, o‘zlashtirish va tarqatish 
asosida ochiq, moslashuvchan, individuallashgan, yangi bilimlarni yaratuvchi 
zamonaviy pedagogik texnologiyalar kirib kelmoqda. Bunday jarayonning 
jadallashuvida maktabgacha va maktab ta’limining o‘rni juda muhim. 
Keyingi paytlarda Respublikamizda maktab ta’limi va umuman, ta’limga doir 
olib borilayotgan qator islohotlar diqqatga sazovor. Shuningdek, ilg‘or xorijiy 
tajribalardan foydalanish, keng joriylanishi muhim ahamiyat kasb etishi 
prezidentimiz tomonidan ham bot-bot ta’kidlanmoqda, bu borada aniq talab hamda 
vazifalar belgilanmoqda. Huquqiy-me’yoriy hujjatlarda belgilangan maktabgacha va 
maktab ta’limi sohasini rivojlantirishga doir maqsadlarni amalga oshirishda 
Samarqand viloyati pedagoglarni yangi metodikalarga o‘rgatish milliy markazi 
(Pedagogika markazi) tomonidan ham bir qator ishlar amalga oshirilmoqda. 
Bugungi kunda maktabgacha va boshlang‘ich ta’limni integratsiyalash 
ta’limning dolzarb muammosi sifatida namoyon bo‘lmoqda. O‘zbekiston 
Respublikasining “Ta’lim to‘g‘risida”gi Qonunning 8-moddasida “Maktabgacha 
ta’lim va tarbiya olti yoshdan, yetti yoshgacha bo‘lgan bolalarni boshlang‘ich 
ta’limga bir yillik majburiy tayyorlashni ham nazarda tutadi” deb takidlangan. 
Mamlakatimiz innovatsion taraqqiyot yo‘lida shiddat bilan rivojlanib 
borayotgan bir davrda kelajagimiz davomchilari bo‘lmish yoshlarning ijodiy 
g‘oyalari va ijodkorligini har tomonlama qo‘llab quvvatlash, ularning bilim, 
ko‘nikma va malakalarini shakllantirish hamda ilg‘or xorijiy tajribalar, xalqaro 
mezon va talablar asosida baholash tizimini takomillashtirish, shu yo‘lda xalqaro 
tajribalarni o‘rganish, mavjud tizimni har tomonlama qiyosiy tahlil qilish, tegishli 

8 
yo‘nalishdagi xalqaro va xorijiy tashkilotlar, agentliklar, ilmiy-tadqiqot muassasalari 
bilan yaqindan hamkorlik qilish muhim ahamiyatga egadir. 
Ushbu tadqiqiotlarda O‘zbekiston farzandlarining qatnashishlari ham muhim 
ahamiyat kasab etadi. Tadqiqotlarda olingan natijalar mamlakatdagi ta’lim sifati va 
uning xalqaro standartlarni hisobga olgan holda egallagan o‘rni to‘g‘risida xulosalar 
chiqarish imkonini bеradi. Xalqaro tadqiqotlar ta’lim sohasidagi milliy tadqiqotlarni 
sifatli o‘tkazishga ijobiy ta’sir ko‘rsatadi. Xalqaro standartlar darajasida yuqori 
iqtisodiy samaraga asoslangan milliy baholash tizimini yaratish imkonini bеradi. 
Mazkur “Maktabgacha va boshlang‘ich ta’limda xalqaro baholash dasturlari 
asosida integratsiyalashtirilgan ta’limni tashkil etish masalalari” mavzusida 
o‘tkazilayotgan maktabgacha ta’lim tashkiloti va umumta’lim maktablari pedagog 
xodimlari uchun ilmiy-amaliy konferensiya ham maktabgacha va boshlang‘ich 
ta’limni integratsiyalash masalalarining dolzarb pedagogik muammolarini tadqiq 
qilishga qaratilgan. 
Ushbu ilmiy-amaliy anjumanda maktabgacha va boshlang‘ich ta’lim 
sohalaridagi muammolar yuzasidan taklif va xulosalar berilishiga ishonaman hamda 
konferensiya ishiga muvaffaqiyatlar tilayman. 

Download 2,09 Mb.