Faydalanilgan adabiyotlar ro‘yxati

31 
BOSHLANG‘ICH SINFLARDA KO‘RIK TANLOVLAR ORQALI 
O‘QUVCHILARDA 4K KO‘NIKMALARINI SHAKLLANTIRISH 
(Kamalak yulduzlari ko‘rik tanlovi misolida) 
Xojiyeva Munira Xolboyevna 
Isroilova Muhabbat Abduvaliyevna 
Bulungʻur tumani 34-maktab o‘qituvchilari 
 
 
Annotatsiya. 
Maqolada boshlang‘ich sinflarda ko‘rik tanlovlar orqali 
o‘quvchilarda 4k ko‘nikmalarini shakllantirishning turli usullari haqida ma’lumot 
berilgan. 
Kalit so‘z
: tarbiya, ta‘lim, ko‘nikma, tanlov, kollaboratsiya, kommunikativlik, 
kreativ fikrlash, kritik fikrlash. 
Yosh avlodga tarbiya berishdek murakkab vazifani hal etishda maktab juda 
katta ahamiyat kasb etadi. Ayni shu joyda yoshlarimiz ijtimoiy jamiyat va ilmiy 
texnika taraqqiyoti talablariga javob bera oladigan mukammal ma’lumotlarni oladilar. 
Maktab yoshlarining dunyoqarashlariga poydevor hamda g‘oyaviy e’tiqodlari uchun 
negiz yaratadi, ularning irodalarini shakllantiradi, xalqimiz baxtsaodati yo‘lida sidqi 
dildan mehnat qilishga taayyorlaydi. Shuning uchun ham mamlakatimizda qabul 
qilingan “Ta’lim to‘g‘risida”gi Qonun (2020 yil 23.09) ta’lim tizimining buguni va 
kelajagiga umid bilan qarashga undaydi. Hozirgi zamon maktabi tubdan 
yangilanmoqda. 
O‘quvchilarga tarbiya berish, ularga ta’lim berish bilan mustahkam va yaxlit 
birlikda amalga oshiriladi. Ammo, tarbiyaning o‘z vazifasi, mazmuni, shakl hamda 
uslublari bor. O‘quv tarbiyaviy jarayon uzviyligi maktab oldiga qo‘yilgan ehg muhim 
pedagogic qoidalardan biri hisoblanadi, shunig uchun ham sinfdan va maktabdan 
tashqari tarbiyaviy ishlar bevosita o‘quv jarayoni bilan bog‘langandir. Darsdan 
tashqari mashg‘ulotlar o‘quvchilarda asosiy vazifalari bo‘lmish ilm olishga ishtiyoq 
uyg‘otish, qobiliyati va iste’dodlarini ro‘yobga chiqarishga imkoniyat yaratishdan 
maktabni muvaffaqiyatli tugatish, kasb-korga intilish hissini tarbiyalashdan iboratdir. 

32 
Yoshlarning kundalik ehtiyojlari, intilishlari, talab va qiziqishlarini faqat dars 
jarayoni bilan qondirib bo‘lmaydi. Sinfdan va maktabdan tashqari mashg‘ulotlar 
o‘quvchilar faoliyatining barcha qirralarini qamrab olmog‘I lozim. Har bir o‘quvchi 
bilan yakkama-yakka ishlash, uni ijtimoiy-ruhiy jihatdan o‘rganish sinf faoliyatiga 
yangicha mazmun olb kiradi. 
Tarbiya deganda shakllanayotgan shaxsda shaxsiy, axloqiy sifatlarni 
shakllantirishni tushunamiz. Tarbiya, ta‘lim berish bilan mustahkam aloqada bo‘lgani 
holda o‘ziga xos qonuniyatlarga ham egadir. Ta‘lim – tarbiya yagona jarayondir. 
Lekin ular bir-biriga aynan o‘xshash emas. Ta‘lim va tarbiyaning birligi avvalo, 
ularning maqsadining umumiyligidadir. 
Boshlang‘ich ta’lim – shaxs shakllanishi davrining eng muhim bosqichi. Bu 
davr bola ong ostida olamni anglash, tasavvur va bilimlar poydevorini tiklash pallasi 
bo‘lgani uchun ham nozik e’tibor talab etadi. 
Uzluksiz ta’limning asosi hisoblangan boshlang‘ich ta’lim jarayonida XXI asr 
ko‘nikmalari hisoblangan 4K ko‘nikmalarini shakllantirish va uni muntazam ravishda 
rivojlantirib borish muhim ahamiyat kasb etadi. 
Boshlang‘ich sinflarning dars mashg‘ulotlarida 4K 
ko‘nikmalarini 
shakllantirishning 
didaktik 
imkoniyatlari keng hisoblanadi. 
4K yondashuvi o‘z nomi bilan 4 ta 
tamoyilni o‘z ichiga oladi: 

Download 2,09 Mb.