|
PEDAGOGIK MAHORAT 3 (79) 2021
Pdf ko'rish
|
| bet | 308/344 | | Sana | 07.12.2023 | | Hajmi | 3,37 Mb. | | #113345 |
Bog'liq Pedagogik mahorat 3-son 2021 yilPEDAGOGIK MAHORAT 3 (79) 2021
228
dollari miqdoriga yetgan boʻlsa, bu davrda import hajmi 1,5 barobar oshdi va 3,42 milliard dollarni tashkil
etdi. Aniqki, bu sohada tomonlar hali foydalanilmagan ulkan salohiyatga ega [1].
2020-yil yanvar-may oylarida tovar ayriboshlash hajmi 1,315 mlrd dollarni, shu jumladan, eksport
196,6 mln dollarni, import 1,11 milliard dollarni tashkil etdi.
Yevropa Ittifoqining Oʻzbekiston Respublikasi uchun 2014-2020-yillarga moʻljallangan begʻaraz
yordami toʻgʻrisidagi koʻp yillik indikativ dasturi doirasida Respublikadagi ijtimoiy-iqtisodiy loyihalarni
amalga oshirish uchun qariyb 168 million yevro mablagʻ ajratildi.
Shu sababli Toshkent va Bryusselda 2019-yildan beri muhokama qilinayotgan keng qamrovli
Kengaytirilgan sheriklik va hamkorlik toʻg‘risidagi yangi kelishuv doirasida savdo-iqtisodiy hamkorlikni
rivojlantirish istiqbollariga jiddiy e’tibor qaratilmoqda.
Toshkentning Markaziy Osiyoda olib borayotgan ochiq va konstruktiv tashqi siyosatini qoʻllab-
quvvatlagan holda Bryussel mintaqamizga nisbatan oʻz siyosatini tubdan qayta koʻrib chiqdi. Bu Yevopa
Ittiffoqining 2019-yilda qabul qilingan Markaziy Osiyo boʻyicha yangilangan strategiyasida oʻz aksini topdi.
Mazkur hujjatda mintaqalararo oʻzaro bog‘liqlikni rivojlantirish, Markaziy Osiyo davlatlarining siyosiy
barqarorligi va izchil taraqqiyotini Yevropa Ittifoqi tomonidan qoʻllab-quvvatlashga e’tibor kuchaytirildi.
Ayni paytda Oʻzbekiston “Umumlashtirilgan imtiyozlar tizimi” (GSP)dan foydalanmoqda. Unga
koʻra, 3000 ga yaqin tovarlar bojxona toʻlovisiz va 3200 ga yaqin mahsulotlar Yevopa Ittiffoqiga arzon
narxlarda eksport qilinishi mumkin. “Umumlashtirilgan imtiyozlar plyus tizimi” – GSP+ boʻyicha bir
tomonlama tarif imtiyozlar olinsa, Yevropa bozoriga 6200 dan ortiq tovar turlarini bojxona toʻlovlarisiz
eksport qilish imkoniyati yaratiladi.
Ushbu imtiyozlarni berishda, Yevopa Ittiffoqi tomonidan bir qator omillarga asoslaniladi. Bular
mamlakatda xavfsiz mehnat sharoitlari, mehnat huquqlari, atrof-muhitni muhofaza qilish, ishlab chiqarish
jarayonini samarali boshqarish ta’minlanganlik darajasini oʻz ichiga oladi.
Oʻzaro munosabatlarni sifat jihatidan yangi va yuqori darajaga koʻtarish maqsadida Toshkent va
Bryussel oʻrtasidagi yangi ikki tomonlama hujjat-“Kengaytirilgan sheriklik va hamkorlik toʻg’risida”gi
bitimni tuzish boʻyicha 2019-yildan boshlab faol muzokaralar oʻtkazilmoqda. Yevropa Ittifoqi bilan koʻp
jabhali muloqotni rivolantirishga xizmat qilayotgan mazkur yoʻnalishga asosan, 2017-2021-yillarga
moʻljallangan “Harakatlar strategiyasi” doirasida Oʻzbekistonda amalga oshirilgan tub islohotlar tufayli
erishildi. Soʻnggi yillarda Markaziy Osiyoda kuzatilayotgan hamkorlikning ijobiy dinamikasi, shuningdek,
Oʻzbekistonning mintaqa davlatlariga nisbatan yaxshi qoʻshnichilik munosabatlarini mustahkamlash va
konstruktiv muloqot orqali barcha masalalarni hal etishga qaratilgan yangi siyosati asosida Bryussel
mintaqaga nisbatan siyosatini mintaqalararo aloqalarni rivojlantirish sari tubdan qayta koʻrib chiqdi.
Bularning bachasi Bryussel tomonidan Markaziy Osiyo uchun tasdiqlangan (2019-yil, iyun oyida)
yangi strategiyada yaqqol namoyon boʻldi. Yevropa tomonning pozitsiyasiga koʻra, Yevropa Ittifoqi va unga
a’zo davlatlar Markaziy Osiyoning siyosiy barqarorligi va izchil rivojlanishidan, shuningdek, ikki mintaqa
oʻrtasidagi integratsiya aloqalarini faol rivojlantirishdan manfaatdordir. Oʻzbekistonning majburiy mehnatga
barham berish, sud islohotlari, qiynoqlarning oldini olish va fuqaroligi boʻlmagan shaxslar bilan bog’liq
muammolarni hal etish borasidagi yutuqlarini Yevropa Ittifoqi alohida ta’kidlaydi.
Ushbu sohalardagi sezilarli yutuqlar tufayli 2019-yilda Yevropa Ittifoqi “individual holatlar” deb
nomlanuvchi roʻyxatni birinchi marta taqdim etmadi [2]. Albatta, bu mamlakatimizda mazkur sohalarda olib
borilayotgan islohotlardagi sezilarli oʻzgarishlardan dalolat beradi. Ma’lumot uchun: “Oʻzbekiston-Yevopa
Ittiffoqi” quyi qoʻmitasining adliya, ichki ishlar, inson huquqlari va aloqador masalalari boʻyicha yig’ilishlari
doirasida Yevropa tomoni qamoqdan ozod qilish talabi bilan “siyosiy mahbuslar” deb ataluvchi 10-15
kishining roʻyxatini an’anaviy tarzda taqdim etar edi. Bundan tashqari 2019-2020-yillarda oqlanganlarning
oʻtgan yillarga nisbatan juda koʻpligi Oʻzbekiston sud tizimidagi islohotlar amalda ijobiy natijalarni
koʻrstayotganidan dalolat beradi. Oʻzbekistonning ushbu sohada erishgan ijobiy natijalari Yevropa
Ittifoqining dunyoda inson huquqlari va demokratiya boʻyicha yillik hisobotida (2020-yil, iyun oyida e’lon
qilingan) ham yuqori baholandi. Hujjatda 2016-yildan boshlab liberallashtirish va demokratlashtirishga
qaratilgan keng qamrovli islohotlar dasturi, shu jumladan, siyosiy dasturlar amalga oshirilayotgani
ta’kidlangan.
Alohida qayd etilishicha, bu yoʻnalishda jiddiy yutuqlarga 2019-yil yakunida (22-dekabr) boʻlib
oʻtgan parlament saylovida erishildi. Bu esa, oʻz navbatida, respublikamiz rahbariyatining tub oʻzgarishlarni
amalga oshirishga boʻlgan intilishlarini yaqqol namoyish etdi.
Bundan tashqari, Yevopa Ittiffoqi hisobotida soʻz erkinligi sohasida erishilgan ijobiy oʻzgarishlarga
e’tibor qaratilgan. Jumladan, Oʻzbekiston Respublikasi Prezidenti huzuridagi Axborot va ommaviy
kommunikatsiyalar agentligi turli davlat idoralari bilan ishlashda qiyinchiliklarga duch kelgan oʻzbekistonlik
https://buxdu.uz
|
| |
