|
PEDAGOGIK MAHORAT 3 (79) 2021
Pdf ko'rish
|
| bet | 310/344 | | Sana | 07.12.2023 | | Hajmi | 3,37 Mb. | | #113345 |
Bog'liq Pedagogik mahorat 3-son 2021 yilPEDAGOGIK MAHORAT 3 (79) 2021
230
boshqa masalalardagi hamkorligini yuqori baholaydi. Bu mintaqaviy hamkorlik boʻyicha loyihalarga ijobiy
ta’sir koʻrsatadi. Mazkur loyihalar ta’lim sifatini yuksaltirish, qonun ustuvorligi va xavfsizlikni ta’minlash,
barqaror rivojlanishga koʻmaklashish hamda tabiat resurslaridan oqilona foydalanishga qaratilgan.
Yevropa Ittifoqi bilan hamkorlik Oʻzbekiston uchun mamlakatni isloh qilish va rivojlantirishda siyosiy
va moliyaviy koʻmak olish, Yevropa Ittifoqi uchun esa oʻz qadriyatlarini Yevropa Ittifoqidan tashqarida
targ’ib qilish imkoniyatidir.
Yevropa parlamentining Osiyo, Avstraliya va Yangi Zelandiya boʻlimi rahbari Nikkolo Rinaldi
Oʻzbekiston Respublikasi Prezidentining Markaziy Osiyo mamlakatlari oʻrtasidagi munosabatlarni
barqarorlashtirish va yanada rivojlantirish boʻyicha sa’y-harakatlarini yuqori baholadi. U, shuningdek,
Oʻzbekistonning yaqin qoʻshnilari ham Yevropa Ittifoqi bilan KSHHB ni imzolashiga umid bildirdi.
Yevropa parlamentidagi “Yashillar” partiyasi deputati Nikolas Nienass “Oʻzbekiston islohotlar
borasida yana nimalar qilishi kerak?” degan savolga quyidagicha javob bergan: “Mamlakat oʻz iqtisodiyotini
katta ishtiyoq bilan isloh qilmoqda va u xuddi shunday kuch bilan demokratiya va inson huquqlarini ham
yanada mustahkamlashi kerak. Ommaviy axborot vositalari faoliyatini cheklovchi qonunlar oʻzgartirilishi
lozim va soʻz erkinligi shunchaki shior emas, balki jamiyat poydevorining asosi boʻlsin. Iqtisodiy islohotlar
oddiy insonlarga amaliy foyda keltirishini ta’minlash darkor. Bu, shubhasiz, mamlakat uchun qiyin vazifa,
ammo uni oʻzbek xalqining hayotini yaxshilash uchun, albatta, bajarish zarur”.
“EU Reporter” Yevropa Ittifoqi huzuridagi missiya vazifasini bajaruvchi Oʻzbekiston elchixonasi
vakilining ham soʻzlarini keltirgan.
“Oʻzbekiston Yevropa Ittifoqi bilan oʻzaro manfaatli va amaliy hamkorlikni izchil rivojlantirishdan
manfaatdor - deydi oʻzbek diplomati. Biz Yevropa Ittifoqi demokratiyaning umuminsoniy qadriyatlarini
targ’ib qilish, qonun ustuvorligi, inson huquqlarini himoya qilish, tinchlik va barqaror rivojlanishini
ta’minlashdagi rolini yuqori baholaymiz. Yevropa Ittifoqi Oʻzbekistonning eng muhim savdo sheriklaridan
biridir. Oʻzbekiston Yevropa Ittifoqi mamlakatlari uchun eng qulay savdo-sotiq tartibini yaratgan.
Mamlakatimizda iqtisodiyotni liberallashtirish borasida olib borilayotgan islohotlar Yevropa biznesi va
sarmoyalarining Oʻzbekistonda keng ishtiroki uchun yangi imkoniyatlar ochmoqda.”
“EU Reporter” Bryusselda joylashgan yirik multimediya platformasi hisoblanadi. U Yevropa va
jahonda kechayotgan voqealar toʻg’risida onlayn tarzda 58 ta tilda matnli va video materiallar taqdim etadi.
“European External Action Service” saytida yozilishicha, hamkorlik aloqalari Oʻzbekistondagi
islohotlarni qoʻllab-quvvatlash boʻyicha aniq chora-tadbirlar bilan toʻldirilmoqda. Masalan, 2017-yil fevral
oyida Yevropa Ittifoqi va Oʻzbekiston oʻrtasida qayta tiklanadigan energiya sohasida hamkorlik boʻyicha
anglashuv memorandumi imzolangan [4].
2020-yil aprel va iyun oylarida Oʻzbekiston Respublikasi Bosh vazir oʻrinbosari - Investitsiylar va
tashqi savdo vaziri S. Umurzoqov Yevropa Ittifoqi savdo komissari F.Xogan bilan ikki marotaba
videokonferensiya shaklida uchrashuvlar oʻtkazdi. Muzokaralar davomida Oʻzbekiston va Yevopa Ittiffoqi
oʻrtasida kengaytirilgan sherikchilik va hamkorlik toʻg’risidagi bitim loyihasi boʻyicha kelishish jarayonini
faollashtirish boʻyicha kelishuvga erishildi. Oʻzbekistonning JSTga a’zo boʻlishi boʻyicha ishchi guruhning
4-yig’ilishiga tayyorgarlik koʻrish doirasida amalga oshirilayotgan chora-tadbirlarga, shuningdek,
Oʻzbekistonning Yevopa Ittiffoqi “PBT+” imtiyoz tizimida benefitsiar mamlakat maqomini olishi jarayoniga
alohida e’tibor qaratildi.
Ta’kidlash kerakki, bugungi kunda COVID-19ning global miqyosida tarqalishi va butun dunyo
iqtisodiyotiga salbiy ta’siri sharoitida Yevropa Ittifoqi uning salbiy oqibatlarini bartaraf etish uchun
Oʻzbekistonga 30 milliondan koʻproq mablag’ ajratishga qaror qildi.
Yevropaning “EU Reporter” internet nashri Martin Benksning Oʻzbekistonda amalga oshirilayotgan
yangilanish jarayoni haqidagi tahliliy maqolasini e’lon qildi. Material Yevropa Parlamenti va Yevropa
Ittifoqi (YI) vakillarining “Oʻzbekistonning turli sohalarda erishayotgan ulkan taraqqiyoti”ga bag’ishlangan
fikr-mulohozalariga asoslangan [2].
Muallif Yevopa Ittiffoqi va Oʻzbekiston oʻrtasida 1999-yildan beri amalda boʻlib kelayotgan
“Sheriklik va hamkorlik toʻg’risida”gi bitim oʻrniga shu kunlarda “Kengaytirilgan sheriklik va hamkorlik
toʻg’risida”gi bitim (KSHHB)ni imzolash boʻyicha muzokaralar davom etayotganiga e’tibor qaratgan:
“Oʻzbekiston va Yevropa Ittifoqi KSHHB boʻyicha muzokaralar olib bormoqda va joriy yil oxirigacha
mazkur bitim imzolanishiga umid qilinmoqda. 2018-yil noyabr oyida boshlangan muzokoralar
muvaffaqiyatli yakunlansa, ikki tomon munosabatlarida yangi davr boshlanadi”.
Xulosa oʻrnida shuni ta’kidlash joizki, Oʻzbekiston hamda Yevropa Ittifoqi oʻrtasidagi siyosiy-
iqtisodiy, madaniy va ijtimoiy sohalardagi diplomatik munosabatlar yangi koʻrinishda namoyon boʻlmoqda.
Bu hol Oʻzbekistonning ijtimoiy, iqtisodiy gullab-yashnashi uchun muhim ahamiyatga ega.
https://buxdu.uz
|
| |
