Shaxsni identifikatsiya qilish uchun har doim ham uning ismini
bilishingiz shart emas. Shunday boʻlsa-da, sizga u shaxs haqida
bittadan koʻproq maʼlumot kerak boʻlishi mumkin.
Namuna:
Tasavvur qiling, sizga yaqin joyda ismi sizga nomaʼlum
bir shaxs yashaydi. Har
kuni tushdan keyin maktab
avtobusida kelgan oʻgʻlini qarshi oladigan, qoʻshni
koʻchada yashovchi baland boʻyli xonimning ismi nima
ekanini doʻstingizdan soʻrashingiz mumkin.
Namuna:
Politsiya ismi va manzili nomaʼlum shaxsni hibsga oldi.
Uning
barmoq izlarini olib, ularni politsiya maʼlumotlar
bazasidan qidiradi. Agar u avval ham hibsga olingan
boʻlsa, ismi, manzili va oldingi jinoyati tafsilotlarini ham
aniqlash mumkin.
Koʻp
hollarda, agar shaxsning ismi, boshqa biror maʼlumot,
masalan, kasallik tarixi yoki sport faoliyati natijalari bilan
birgalikda qayd etilgan boʻlsa, bunday ma’lumot
uning shaxsini
aniqlash uchun yetarli hisoblanadi. Maʼlumotlar ism bilan
bogʻliq boʻlmasa ham, ular yordamida odamning shaxsni
aniqlash mumkin.
Ijtimoiy tarmoqlar va himoyalanganlik
Axborotni boshqalar bilan boʻlishishingiz va fikr-mulohazalar
yozishingiz mumkin boʻlgan turli
ijtimoiy tarmoqlar koʻp.
Fotosuratlar almashishga moʻljallangan
maxsus saytlar
ham bor. Aslida ijtimoiy tarmoqlarning yomon joyi yoʻq,
lekin ulardan ehtiyotkorlik bilan foydalanilmasa, oʻta jiddiy
muammolar kelib chiqishi mumkin.
KALIT SOʻZLAR
Ijtimoiy tarmoqlar: doʻstlaringiz va oila aʼzolaringiz
bilan onlayn muloqotda boʻlish hamda siznikiga oʻxshash
qiziqishlar va xobbiga ega boshqa
odamlarni topish imkonini
beruvchi veb-saytlar yoki xizmat turlari.
