INT funksiyasi barcha haqiqiy sonlarni oʻzgartirib, o‘nli
kasrdagi vergullarni olib tashlaydi va
katta yoki kichik tarafga
yaxlitlangan butun sonni beradi. Bu funksiya koʻpincha pulni
yaxlitlash uchun ishlatiladi, masalan, 46,89 dollarni 89 sentsiz,
47 dollargacha yaxlitlash.
ROUND funksiyasi katta hajmdagi oʻnli kasrlari boʻlgan
sonni
verguldan keyin necha xonaga yaxlitlashni nazorat qilish
imkonini beradi. Agar sizda C4 katakda 2,512789 va C5 katakda
2,4912137 sonlari bo‘lsa, ularni
verguldan keyin ikki xonaga
yaxlitlash uchun ‘=ROUND(C4,2)’ funksiyasini qoʻllashingiz va
bu funksiyani ishlatmoqchi boʻlgan barcha kataklaringizda
takrorlashingiz kerak. Bu funksiya joylashgan kataklarda 2,51
va 2,49 sonlari hosil boʻlishi kerak.
COUNT funksiyasi qator kataklardagi maʼlumotlar yozuvlarini
hisoblash uchun ishlatiladi.
Bu funksiya quyidagicha
koʻrinishda boʻladi: ‘=COUNT(C3:G4)’. Agar bu qamrovdagi
barcha kataklarda maʻlumotlar mavjud boʻlsa, siz 10 javobini
olishingiz kerak (20.12-rasmga qarang).
Nomlangan katak yoki nomlangan
diapazon yaratish uchun
tegishli katak yoki kataklarni belgilab, quyidagi skrinshotda
doira bilan ajratib koʻrsatilgan
maydonda unga nom berib,
ENTER tugmasini bosishingiz kerak. Bu bir yoki bir qancha
kataklarni nomlash usullaridan biridir. VLOOKUP kabi funksiyada
nom berilgan diapazondan foydalanish vaqtida nomlangan
diapazonga havola berishingiz mumkin.
U barcha nomlangan
kataklaringiz va diapazonlaringiz roʻyxatida mavjud boʻladi.
20.13-rasm. Kataklar diapazonini nomlash.
LOOKUP funksiyasi nomlangan intervaldagi qiymatlarni
qidiradi va ularga hisob-kitoblaringiz uchun havola beradi.
Agar oʻquvchi 47 foiz ball toʻplagan bo‘lsa, bu E bahoga teng
bo‘ladi. Yuzlab oʻquvchilarning baholarini qoʻlda toʻldirib
20.11-rasm. MAX funksiyasidan foydalanish.
20.12-rasm. COUNT funksiyasidan foydalanish.
