Har bir oʻquvchining o‘rtacha bahosini aniqlash uchun siz
bir oʻquvchi uchun ma’lumotlar qatorini kiritishingiz va
ma’lumotlar modelingizdan olingan natijaning o‘rtacha
qiymatni qo‘lda hisoblab chiqqaningizdagi
natija bilan bir
xilligini tekshirishingiz kerak. Agar bu usul bitta oʻquvchi uchun
ishlasa, u maʼlumotlar modelingizdagi barcha oʻquvchilar
uchun ishlaydi deb ishonch bilan ayta olasiz. Chunki funksiya
yoki formulaning replikatsiyasi odatda aniq boʻladi.
Zarurat boʻlsa, har xil turdagi maʼlumotlarni
ishlatib, barcha
formulalar va funksiyalarni tekshirishingiz zarur. Siz doim sinov
maʼlumotlariga oid tanlovingiz sabablarini asoslashingiz kerak.
Maʼlumotlarning
turlari odatiy, gʻayrioddiy va ekstremal boʻlishi
mumkin.
Oddiy maʼlumotlar
Bu foydalanuvchilar tarafidan sizning elektron jadvallar
tizimingizga kiritilishi kutilgan maʼlumotlar turi. Odatda
bu maʼlumotlar kutilgan oraliq ichida boʻladi, ammo
foydalanuvchilar baribir validatsiya aniqlay olmaydigan
notoʻgʻri maʼlumotlarni kiritishi mumkin.
Elektron jadval
formulalari va funksiyalari — foydalanuvchilar normal
ma’lumotlarni kiritganda to‘g‘ri javoblarni qaytarishini sinab
ko‘rish — tizimingiz risoladagidek ishlashini ta’minlashning
eng yaxshi usuli hisoblanadi.
