4-bob haqida umumiy maʼlumot
Bu bobda kompyuterlarni bir-biri
bilan muloqot qilishi va
maʼlumot almashinishi uchun tarmoqqa ulashning turli
usullarini bilib olasiz.
Kompyuter tarmoqlari bilan bogʻliq qurilmalar va ulardan
qanday
foydalanish, shuningdek, internetga kirish uchun
ishlatilishi mumkin boʻlgan turli
kompyuter tarmoqlarining
afzalliklari va kamchiliklari haqidagi ma’lumotlar beriladi.
Mavzuning mantiqiy davomida oʻzingiz mustaqil kichik
tarmoq yaratishni oʻrganasiz. Va nihoyat,
tarmoq
kommunikatsiyasining turli usullariga berilgan ta’riflarni
o‘rganasiz.
4.01 Kompyuter tarmoqlari
Kompyuter tarmoqlari, odatda,
mintaqaviy tarmoq turi
sifatida tasvirlanadi. Siz eng koʻp
duch keladigan tarmoq
turlari
lokal tarmoq (LAN – Local Area Network),
mintaqaviy
tarmoq (WAN – Wide Area Network) va
simsiz lokal
tarmoqdir (WLAN – Wireless LAN).
LAN bir-biriga bevosita yaqin joylashgan bir nechta kompyuter
guruhini tarmoqqa birlashtirish imkonini beradi. Odatda,
lokal tarmoqdan maktabda, ofisda va uyda foydalaniladi. LAN
oʻz tarkibidagi
kompyuterlarga fayl, printer, oʻyin va shu kabi
manbalardan birgalikda foydalanish imkoniyatini berishi bilan
afzal hisoblanadi.
WAN tarmoq, odatda, nisbatan kengroq
geografik hududlarni
qamrab olish maqsadida LAN tarmoqlarni oʻziga birlashtiradi.
Odatda, WAN tarmoq shahar, mamlakat yoki bir nechta
mamlakatni oʻzaro bogʻlaydi.
Internet WAN tarmoqqa misol
boʻladi; u butun dunyo boʻylab lokal tarmoqlarni oʻzaro
bogʻlaydi.
Bir nechta shaharda ofislarga ega tashkilotni koʻz oldingizga
keltiring; tabiiyki, ularning har
birida har bir binoga LAN
tarmoq oʻrnatilgan, keyin ularning barchasi WAN tarmoqqa
ulanadi.
