5-mavzu. Ta’lim jarayonida raqamli texnologiyalarning o‘rni
Reja:
1. Raqamli texnologiya tushunchasi va uning ahamiyati.
2. Texnologiya fani darslarida raqamli texnologiyalardan
foydalanish
imkoniyatlari.
2.1. QR-kod dasturi va uning imkoniyatlari.
2.2. Fashion – qomatga qarab kiyim tanlash dasturi.
2.3. dr.rtm.uz – sayti.
1. Raqamli texnologiya tushunchasi va uning ahamiyati
Texnologiya fanining umummetodik va moddiy-texnik ta’minotini ishlab
chiqishda raqamli texnologiyalarni joriy qilish katta ahamiyatga ega hisoblanadi.
O‘zbekiston Respublikasi Prezidenti Sh.Mirziyoyevning
Oliy Majlisga
Murojaatnomasida “Taraqqiyotga erishish uchun raqamli bilimlar va zamonaviy axborot
texnologiyalarini egallashimiz zarur va shart. Bu bizga yuksalishning eng qisqa yo‘lidan
borish imkoniyatini beradi. Zero, bugun dunyoda barcha sohalarga axborot
texnologiyalari chuqur kirib bormoqda. Albatta, raqamli iqtisodiyotni
shakllantirish
kerakli infratuzilma, ko‘p mablag‘ va mehnat resurslarini
talab etishini juda yaxshi
bilamiz. Biroq, qanchalik qiyin bo‘lmasin, bu ishga bugun kirishmasak,
qachon
kirishamiz?! Ertaga juda kech bo‘ladi”.
O‘zbekiston Respublikasi Prezidentining “Raqamli O‘zbekiston — 2030”
strategiyasini tasdiqlash va uni samarali amalga oshirish chora-tadbirlari to‘g‘risida”gi
2020-yil 5-oktabrdagi PF-6079-son Farmoni 1-ilovasi bilan tasdiqlangan “Raqamli
O‘zbekiston — 2030” strategiyasida “texnologik kasblar va innovatsion faoliyat
sohasida o‘qishni tashkil etishga qaratilgan yuqori samarali xalqaro amaliyotni ta’lim
tizimiga joriy etish” belgilangan. Bu esa sanoatning
yetakchi tarmoqlarini
modernizatsiyalash va raqobatdoshlikni kuchaytirish, sohaga ilg‘or texnologiyalarni joriy
etish, yuqori texnologiyali korxonalar, texnoparklar, ishlab chiqarish korxonalari tashkil
etish, zamonaviy muhandislik-kommunikatsiya infratuzilmalarini barpo etish,
raqamli
texnologiyalar
markazlari,
yoshlarni
startap-loyihalarini
qo‘llab-quvvatlovchi
inkubatsiya va akseleratsiya markazlari faoliyatini tashkil etishga yanada keng
imkoniyatlar yaratadi.
Shuningdek, mamlakatimizda raqamli texnologiyalarni
rivojlantirish maqsadida
O‘zbekiston Respublikasi Prezidentining “Ilm-fanni 2030-yilgacha rivojlantirish
konsepsiyasini tasdiqlash to‘g‘risida” 2020-yil 29-oktabrdagi PF-6097-son
Farmoni
hamda O‘zbekiston Respublikasi Vazirlar Mahkamasining “Raqamli texnologiyalar va
sun’iy intellektni rivojlantirish ilmiy-tadqiqot instituti faoliyatini tashkil etish to‘g‘risida”
2021-yil 31-iyuldagi 475-son qarorlari qabul qilingan.
Mazkur qarorlar asosida Xalq ta’limi vazirligi tomonidan ham maktablarda
raqamli texnologiyalarni joriy etishga katta e’tibor qartilmoqda.
