17
II. ALOQA TUGUNLARIDA NAVBATCHILIKNI TASHKIL QILISH
2.1. Aloqa tugunlarida navbatchilik
ATlarda tunu-kun navbatchilik, odatda, shtatdagi shaxsiy tarkib bilan tashkil qilinadi.
Aloqa boshlig‘ining qaroriga ko‘ra, ATlarda navbatchilikni olib borish uchun,
boshqa
aloqa harbiy qismlari (bo‘linmalari) shaxsiy tarkibi ham jalb qilinishi mumkin.
Qo‘shimcha shaxsiy tarkibning jalb qilinishi garnizon boshlig‘ining buyrug‘i bilan
rasmiylashtiriladi.
Navbatchilikni tashkil qilish uchun ATda quyidagi asosiy hujjatlar ishlab
chiqiladi:
– navbatchilikni tashkil qilish haqida AT boshlig‘i buyrug‘i;
– navbatchilikni tashkil qilish chizmasi, navbatchi smena shaxsiy tarkibi hisobi bilan;
– navbatdagi smenaning navbatchilikka tushishi to‘g‘risida AT boshlig‘i buyrug‘i;
– AT navbatchi smenasi shaxslariga Yo‘riqnomalar.
Navbatchilikni tashkil qilish haqida AT boshlig‘i buyrug‘i har yili chiqariladi.
Unda
quyidagilar ko‘rsatiladi:
– qo‘shin (kuch) larni boshqarish manfaatlari uchun aloqa bilan ta’minlash bo‘yicha
ATga yuklatilgan vazifalar;
– AT elementlariga va JPlariga kundalik sharoitlarda va belgilangan jangovar shaylik
darajalariga ko‘tarilganda aloqa bilan ta’minlash bo‘yicha vazifalar;
– navbatchi smenalar soni, ularning tarkibi va vazifalari;
– shaxsiy tarkibni mustaqil ravishda navbatchilikni olib borishga tayyorlash va ruxsat
berish tartibi;
– shaxsiy tarkibni navbatdagi navbatchilikka tayyorlash va tushishi tartibi;
– navbatchilikning davomiyligi va olib borish rejimi;
– jangovar shaylikning turli darajalarida
shaxsiy tarkibning, qurol-aslaha,
aloqa va
MTT vositalarining dastlabki holati;
– navbatchi smena shaxsiy tarkibining ruxsat etilmagan harakatlarini hamda
navbatchilikni olib borish davomida avariya holatlarining oldini olish bo‘yicha
chora-
tadbirlar;
– navbatchilikning olib borilishini nazorat qilish tartibi;
– yong‘in xavfsizligi va xavfsizlik texnikasi bo‘yicha tadbirlar;
– navbatchi smena shaxsiy tarkibining dam olish va ovqatlanish tartibi;
– navbatchilikni har tomonlama ta’minlash va uni olib borish uchun qulay
sharoitlarni saqlash bo‘yicha tadbirlar;
– navbatchilikni tashkillashtirish va olib borish tartibini
belgilovchi boshqa
masalalar.
