16
– aloqa yo‘nalishlari bo‘yicha kanal (liniya) lar sozligi (nosozligi) haqida;
– radio-, radioreley, troposfera va kosmik aloqa vositalariga oldindan ko‘zlangan
(ko‘zlanmagan) halaqitlarning ta’siri haqida;
–
aloqa liniyalari, kanallari va traktlari parametrlarining belgilangan ekspluatasion
me’yorlarga mos kelishi (mos kelmasligi) haqida;
– aloqa apparatura (vosita)lari va MTT vositalari buzilishlari (ishdan chiqishlari)
tafsiloti va sabablari haqida, ularni boshqa ish rejimlariga o‘tkazilishi haqida.
Agarda doimiy (avtomatik) nazorat amalga oshirilmasa, simli (radioreley,
troposfera, kosmik)
aloqa tekshiruvi AT navbatchi smenasi
shaxsiy tarkibi tomonidan
(tezkor almashinuv bo‘lmagan hollarda)
har 30 daqiqada amalga oshiriladi.
Agarda oxirgi aloqa tekshiruvidan 30 daqiqa o‘tgach yuqori ATdan aloqa tekshiruvi
uchun
komanda tushmasa, bo‘ysunuvchi AT yuqori ATni chaqirishga majbur. Aloqa
tekshiruvi natijalari navbatchilikni olib borish jurnaliga (texnik yoki apparat jurnaliga)
yozib boriladi va bo‘ysunuvi bo‘yicha doklad qilib boriladi.
Aloqaning buzilganligi va tiklanganligi haqida AT JP NHR zudlik bilan bo‘ysunuvi
bo‘yicha bildirgi beradilar.
Aloqa buzilganda, birinchi navbatda, axborot almashinuvini aylanib o‘tuvchi
yo‘nalishlar orqali ta’minlash va aloqani rezervdagi apparaturalar (rezervdagi
aloqa
kanallari, liniyalari) yordamida zudlik bilan tiklash choralari ko‘riladi, so‘ngra esa buzilish
uchastkalari aniqlanib, aniqlangan nosozlik(buzilish)larni bartaraf qilish tashkil qilinadi.
Buzilgan aloqani tiklash navbatchi smena shaxsiy tarkibi tomonidan, ATBN
rahbarligida amalga oshiriladi. Jiddiy stansion va liniya buzilishlari bo‘lganda
ularni
tiklash AT navbatchi smenasi yoki ushbu maqsadlar uchun tuziladigan avariyaviy-tiklash
komandalari (bevosita AT boshlig‘i rahbarligida) tomonidan amalga oshiriladi.
