47
Hozirda turli maqsadlarda ishlatilayotgan radioelektron vositalar sonining keskin
o‘sishi kuzatilmoqda (yer usti va koinot radioaloqasi, televideniye, radiolokasiya,
radionavigasiya va boshqalar).
Bu holat radiochastotalarga bo‘lgan talabni yanada oshishiga olib kelmoqda, lekin
radioto‘lqinlar diapazonining hajmi cheklangan, natijada ko‘p radiotizimlar bitta chastota
yo‘lagida ishlashga majburdir. Ko‘plab radiotizimlar tomonidan birlashtirilgan chastotalar
yo‘lagidan foydalanishi o‘zaro halaqitlarni vujudga kelishiga sabab bo‘ladi.
O‘zaro halaqitlarning miqdori ko‘p holatlarda to‘lqinlarning tarqalish xususiyatlariga
bog‘liq bo‘ladi. Turli xil diapazondagi radioto‘lqinlarning tarqalish xususiyatlari bir
biridan tubdan farq qiladi. Shu sababli, har bir diapazondagi o‘zaro halaqitlarni miqdori va
xususiyatlarini aniqlash va baholashda shu diapazonga tegishli bo‘lgan maxsus usullar
yordamida amalga oshiriladi.
QT diapazoni 3–30 MGs oralig‘ida bo‘lgan chastotalar diapazonini o‘z ichiga oladi,
bu chastotalar diapazonining umumiy kengligi 27 MGs ni tashkil qiladi. Odatda bitta aloqa
kanalining ishlashi uchun 5 kGs kenglikdagi chastotalar diapazoni ajratiladi, natijada QT
diapazonida 5400 ta aloqa kanalini joylashtirish mumkin bo‘ladi.
Hozirgi kunda yer yuzining ko‘plab davlatlarida yuqorida ko‘rsatilgan kanallar
sonidan oshiq katta miqdordagi QT diapazonida ishlovchi radiostansiya va uzatgichlar
mavjud. Shuning uchun ko‘p hollarda yer yuzining turli joylarida joylashgan
radiostansiyalarning aksariyat qismi bitta chastotada ishlashga majburdirlar.
Natijada, QT radioliniyasida to‘lqinlarning uzoq masofalarga tarqalishi oqibatida,
radiostansiyalarning bir biridan katta masofalarda joylashishiga qaramay, qabul nuqtalarida
yuqori miqdordagi o‘zaro halaqitlarni paydo bo‘lishiga olib keladi.
