|
Atrof muhitni muhofazalovchi texnika
|
| bet | 1/18 | | Sana | 20.05.2024 | | Hajmi | 406 Kb. | | #245435 |
Bog'liq AMMT fanidan mustaqil ish uchun uslubiy ko\'rsatmalar 2
O‘ZBEKISTON RESPUBLIKASI
OLIY TA’LIM, FAN VA INNOVATSIYALAR VAZIRLIGI
FARG‘ONA POLITEXNIKA INSTITUTI
«Texnologik masninalar va jihozlar» kafedrasi
“ATROF MUHITNI MUHOFAZALOVCHI TEXNIKA”
fanidan kredit-modul tizimida
mustaqil ta’lim topshiriqlarini bajarish uchun
USLUBIY KO‘RSATMALAR
FarPI uslubiy kengashi
tomonidan tasdiqlangan
«__» _______2024y
FARG‘ONA-2024
Annotatsiya
Ushbu uslubiy ko‘rsatmalar “60720700 – Texnologik mashinalar va jihozlar” bakalavriat ta’lim yo‘nalishi talabalariga mo‘ljallangan bo‘lib, unda “ATROF MUHITNI MUHOFAZALOVCHI TEXNIKA” fanidan kredit-modul tizimida mustaqil ta’lim topshiriqlarini bajarish uchun kimyoviy yo‘l bilan yetishtiriladigan mahsulotlar, qurilish materiallari va kimyoviy ishlab chiqarish korxonalarida hosil bo‘ladigan turli ko‘rinishdagi chiqindilar, ularning hossalari, chang ushlash jarayonlari to‘g‘risidagi asosiy tushunchalar, chang ushlash usullari va unda qo‘llaniladigan apparatlar tuzilishi, ishlash prinspi, shuningdek chang ushlash samaradorligini oshirish yo‘llari to‘g‘risidagi ma’lumotlar yoritilgan.
Tuzuvchilar: X.M. Sadullaev
A.A.Mo‘ydinov
I.M. Mamarizayev
O‘.T. Xamdamov
Texnologik mashinalar va jihozlar kafedrasi yig‘ilishida muhokama qilinib, ma’qullangan «__» _______2024y
“TMJ”kafedrasi mudiri: R.J.Tojiev
Mexanika-mashinasozlik fakulteti uslubiy kengashida
ma’qullangan «__» _______2024y
Uslubiy kengash raisi: B.M.Madaminov
Kirish
Talabaning mustaqil ishi o‘quv rejasida muayyan fanni o‘zlashtirish uchun belgilangan o‘quv ishlarining ajralmas qismi hisoblanadi.
O‘qishning boshlang‘ich qismida talabaning mustaqil ishini tashkil etish bir qator vazifalar bilan bog‘liq. Shuning uchun har bir professor-o‘qituvchi dastlab talabada o‘z qobiliyati va aqliy imkoniyatlariga ishonch uyg‘otishi, ularni sabr-toqat bilan, bosqichma-bosqich mustaqil bilim olishini to‘g‘ri tashkil qilishga o‘rgatib borishi lozim bo‘ladi.
Talabalar tomonidan mustaqil ravishda o‘zlashtiriladigan bilim va ko‘nikmalarning kursdan-kursga murakkablashib, kengayib borishini hisobga olgan holda ularning tashabbuskorligi va rolini oshirib borish zarur. Shunda mustaqil ta’limga ko‘nikma boshlagan talaba faqat o‘qituvchi tomonidan belgilab berilgan ishlarni bajaribgina qolmay, o‘zining ehtiyoji, qiziqishi va qobiliyatiga qarab, o‘zi zarur deb hisoblagan qo‘shimcha bilimlarni ham mustaqil ravishda tanlab o‘zlashtirishga o‘rganib boradi.
|
| |
