5.2-rasm. Oynalarning joylashishi va o'lchamlari.
bir-biri ustiga taxlash mumkin va hatto bir-birini to'liq berkitishi mumkin.
Oyna deb, foydalanuvchi va bajariladigan dastur orasidagi aloqani tashkil etishga mo'ljallangan, ekranning avtonom sohasidan iborat bo'lgan foydalanuvchi grafik interfeysining elementiga aytiladi.
Oyna, qoida bo'yicha, ekranning boshqa qismida ramka orqali va rangi orqali ajratiladi: oynada matn, rasm, jadval, dasturni boshqarishning maxsus elementlari joylashishi mumkin. Masalan, «Мой компьютер» oynasi, kompyuterning barcha apparat va dasturiy resurslariga murojaat qilish uchun xizmat qiladi, «Корзинка» oynasi esa, tasodifan olib tashlangan papka dastur va hujjatlarini tiklash uchun xizmat qiladi.
5.2.3. Yorliq va belgilar
Belgilar (piktogrammalar) grafik interfeysda turli obyektlarni: ish stoli, disk qurilmalari, printerlar, dastur va hujjatlarni belgilash uchun xizmat qiladi.
Shunday qilib, belgi (piktogramma) deb, kompyuterning apparat va dasturiy resurslarini belgilash uchun xizmat qiladigan, uncha katta bo'lmagan tasvirdan iborat foydalanuvchi grafik interfeysi elementiga aytiladi.
Yuqoridagi rasmda, bir-biring ustiga qo'yilgan ikki oynada joylashtirilgan bir qancha turli belgilar ko'rsatilgan. Oynalardan tashqari belgilar ish stolida, panelda, menyuda va papkada joylashishi mumkin. Win XR OT da ish stolida har doim «Корзина» dasturi belgisi turadi. Qolgan hamma belgilar ish stolida foydalanuvchi ko'rsatmasi yordamida joylashtirilishi yoki olib tashlanishi mumkin.
Kompyuterning apparat va dasturiy resurslariga murojaati qulay bo'lishi uchun, ish stoliga «Мой компьютер» oynasi belgisi joylashtirilishi mumkin. OT da fayllarni saqlashni tartiblashtirish uchun maxsus papka «Мои документы» ko'zda tutilgan, unda ixtiyoriy guruhlashtirish mumkin.
Belgilarning maxsus ko'rinishi yorliqlardir, ular har doim biror- bir obyektning haqiqiy joylashgan o'rni to'g'risidagi ma'lumotni
bildiradi. Yorliq obyektga tez va qulay murojaatni va ularni qidirishni ta'minlaydi. Yorliq tashqi belgisining past qismida egri strelka belgisi bo'ladi.
Yorliq bilan belgi orasidagi farq, ularning ichki, tizimlashgan tashkil etilishidir. Belgi doim obyektning o'zi bilan bevosita har doim bog'liqdir, yorliq esa har doim obyektning (papka, qurilma, hujjat fayli va hokazolar) haqiqiy joylashgan o'rni haqidagi ma'lumotlarni o'zida saqlaydigan maxsus fayl bilan bog'langan.
|