|
Kun tartibining birinchi masalasida
|
| bet | 2/40 | | Sana | 12.10.2024 | | Hajmi | 133,14 Kb. | | #274648 |
Bog'liq 9-yigilish-bayonnomasi (1)Kun tartibining birinchi masalasida filial direktori F. Muxtarovning ma’ruzasi eshitildi.
Assalomu alaykum, hurmatli Kengash a’zolari, aziz ustozlar, professor-o‘qituvchilar! So‘zimning avvalida cheksiz hurmat va ehtirom bilan TATU Farg‘ona filialida yillar zaxmatidan charchamasdan, uzoq yillar faoliyat yuritgan Yunusaliyeva Muxabbat Uraimovna opamizni jamoamiz nomidan nafaqa yoshiga yetganliklari bilan tabriklab, filial ravnaqiga qo‘shgan ulkan hissalari uchun cheksiz minnatdorchilik bildiraman.
Muxabbat opa 1964-yil 30-aprel kuni Farg‘ona shahrida tavallud topganlar. Uzoq yillar mobaynida TATU Farg‘ona filialiga o‘z mehrini berib, chinakam fidoiylik bilan mehnat qilib keldilar. Nafaqaga chiqish, barcha ishlardan uzoqlashib ketish degani emas. Kelgusida filialda faoliyat yuritadigan yosh xodimlarga o‘zlarining bilim va tajribalarini o‘rgatib turadilar, degan umiddaman.
Shu o‘rinda, mamnuniyat bilan o‘tgan oy davomida o‘zining tashabbuskorligi, halol va samarali mehnati, fidoiyligi, jonkuyarligi bilan ajralib turgan hamda o‘z vazifasiga mas’uliyat bilan yondashgan, shuningdek, sport musobaqalarida faol ishtirok etgan bir qancha professor-o‘qituvchilar va ishchi-xodimlarni taqdirlab olsak.
Barchangizga ma’lumki, ushbu yildan e’tiboran filialning oltin va kumush nishonlari ta’sis etildi. Bu safar kumush nishonni ikki nafar xodimlarimizga berishga qaror qildim. Ushbu filial nishonining navbatdagi sovrindorlari bilan tanishing!
Birinchi kumush nishon bilan filial hisobchisi Yuldasheva Mahliyo Ravshanovna taqdirlanadi.
Ikkinchi kumush nishon bilan Marketing va talabalar amaliyoti bo‘limi boshlig‘i Xusanova Moxiraxon Qurbonaliyevna taqdirlanadi.
Oltin nishon bilan Axborot texnologiyalari kafedrasi katta o‘qituvchisi Porubay Oksana Vitalevna taqdirlanadi.
Eslatib o‘taman, kumush nishon sovrindori bazaviy hisoblash miqdorining 1 baravarida, oltin nishon sovrindori esa bazaviy hisoblash miqdorining 10 baravari hisobida pul mukofoti bilan taqdirlanadi.
Filial omborchisi Shokirov Elmurod Sodiqovich jonkuyarligi, halolligi, o‘z vazifasini sidqidildan, vijdonan bajarayotganligi hamda shukuronalik hissi bilan ishlayotganligi uchun ustama belgilanganligi ma’lum qilaman.
Shu o‘rinda ming afsus bilan bir narsani aytib o‘tmoqchiman, o‘tgan oyda filialning 4 nafar professor-o‘qituvchi va ishchi-xodimlariga “hayfsan” intizomiy jazosi qo‘llanildi.
|
| |
