128
va refleksiv texnologiyasi samaradorligini baholash maqsadida tajriba-sinov
ishlarining yakuniy nazorat bosqichi o‘tkazildi.
Tajriba-sinov ishlarining yakuniy bosqichida (2020 – 2021 yy.) quyidagi ishlar
amalga oshirilishi belgilab olindi: bo‘lajak o‘qituvchilarda sanogen tafakkurning
rivojlanganlik darajasini aniqlash bo‘yicha qayta tashxisni amalga oshirish, dastlabki
va yakuniy nazorat natijalarini qiyoslash; olingan natijalarning ishonchliligini
asoslash uchun matematik-statistik tahlil ishlarini olib borish.
Dastlabki nazorat ishlarida taklif etilgan diagnostik materiallar asosida
talabalarda sanogen tafakkurning rivojlanganlik darajasini aniqlash asosiy maqsad
sifatida belgilandi. Tanlab olingan diagnostik materiallar (refleksiv texnika
mashqlari, so‘rovnoma, test savollari) mazmuni dissertatsiyaning ikkinchi bobi
hamda ilovalarda yoritilgan. Asoslovchi va yakuniy tadqiqot bosqichlarida
o‘tkazilgan nazorat-tashxis ishlari oralig‘idagi davr bir yildan ko‘proq vaqtni tashkil
etdi. Ushbu davr oralig‘ida tajriba guruhi talabalarining shakllantiruvchi ta’limiy
tajriba-sinov ishlarida hamda “Sanogen fikrlashni o‘rganamiz” nomli to‘garak
mashg‘ulotlarida faol ishtirok etishi ta’minlandi. Mazkur jarayon, to‘garak, refleksiv
texnika va amaliy mashg‘ulotlar tizimi orqali bo‘lajak o‘qituvchilarda sanogen
tafakkur ko‘nikmalarini (motivatsion, shaxsiy refleksiya, hissiy-emotsional
barqarorlik, fikrlarning erkin namoyon bo‘lishi, sanogen refleksiya) rivojlantirish
mumkinligi haqidaga ishchi farazning amaliy faoliyatda o‘z isbotini topishga
imkoniyat
yaratdi.
Tajriba-sinov ishlarining yakuniy bosqichida bo‘lajak
o‘qituvchilarda sanogen tafakkurning rivojlanganlik darajasi qayta tashxis etildi.
O‘tkazilgan qayta tashxis natijalarini 3.2.1-jadvalda keltirib o‘tamiz.
