Ipakni tabiiy yo’llar bilan bo’yash usuli quyidagicha

10-15 litr suv olinadigan qozonga 1 kg ishqor (saksovul, sho’ra, g’o’zapoya kuli) doka xaltachaga solinib, qozonga tashlanadi va suv 5-10 minut qaynatiladi. Ipak iplar kalavasi maxsus ishqorlangan 2 ta yog’och tayoqlarga joylashtirilib, qozonga solinadi va goh-gohida ular aylantirilib turiladi. Kalavalar 30-40 minut qaynatiladi.

Qaynatilgan ipak ip kalavalari, avval iliq suvda 3-4 marta, keyin sovuq suvda 3-4 marta ikki qo’llab, suvda aylantirilib yuviladi va chayiladi. Oxirida yaxshilab siqib, silkitib quritiladi. Yumshatilgan ipak iplarini tabiiy bo’yoqlar yordamida bo’yaladi. Tabiiy bo’yoq tayyorlashda eng muhim o’simliklarning qaysi turidan va ularning qanday qismidan bo’yoq olish mumkinligini bilish zarur. Bunda quritilgan usmadan, piyozning yupqa po’stlog’idan, quritilgan anor po’stlogidan, daraxtlarning po’stlog’idan va boshqa o’simliklardan foydalaniladi. Bu jarayonning oz’ siru-asnolari va bosqichlari mavjud.