Agrosanoat firmalarini shakllantirish va ularning faoliyatini tashkil etishning asosiy tamoyillari

1.4 Agrofirmalarning maqsadi va asosiy vazifalari

• 
  shartnoma asosida fermer xo’jaliklarining buyurtmasiga ko’ra mexanizasiya va agrotexnik tadbirlarni bajarish va boshqa xizmatlar ko’rsatishni muvofiqlashtirish;
  
• 
  marketingni tashkil etish, bozor kon’yunkturasini o’rganish, yetishtirilgan mahsulotlarni sotishda xo’jaliklar, korxonalar va tashkilotlarga ko’maklashish;
  
• 
  fermer xo’jaliklari tomonidan qishloq xo’jaligi ekinlarini sug’orish tartiboti (rejim) asosida aniqlangan hamda umumiy ajratilgan cheklangan suv miqdorini belgilash va barcha iste’molchilarga suv manbalari bo’yicha teng miqdorda taqsimlanishini ta’minlash;
  
• 
  lizing asosida transport vositalari va mexanizmlar olishda xizmat ko’rsatish;
  
• 
  ixtisoslashgan fermer xo’jaliklari, qishloq xo’jaligi mahsulotlarini qayta ishlash korxonalari va xizmat ko’rsatuvchi tashkilotlar o’rtasida shartnomalar tuzilishini tashkil etish;
  
• 
  suv, urug’, o’g’it, yonilg’i-moylash materiallari, biomateriallar bilan ta’minlash bo’yicha amaliy yordam berish;
  
• 
  qishloq xo’jalik mahsulotlari ishlab chiqaruvchilarni o’simliklarni himoya qilish vositalari bilan ta’minlash;
  
• 
  fermer xo’jaliklariga meva-uzum, sabzavot, poliz, kartoshka va boshqa ekinlarning agrotexnikasi bo’yicha maslahatlar berish;
  
• 
  fermer xo’jaliklarini yuqori hosil beradigan, sifatli qishloq xo’jaligi ekinlari urug’lari va mevali daraxtlar, toklarning ko’chatlari bilan ta’minlash;
  
• 
  viloyat va tumanda yetishtirilmagan urug’ turlarini boshqa viloyatlardan keltirish hisobiga iste’mol uchun qishloq xo’jalik mahsulotlari yetishtiruvchi aholini, fermerlarni to’liq miqdorda sifatli va navdor urug’lar bilan ta’minlash maqsadida dala-do’konlari tashkil etish;
  
• 
  a’zolarning talab ehtiyojidan kelib chiqib, urug’chilikda qo’llaniladigan urug’ ajratadigan, tozalaydigan, qadoqlaydigan, saqlaydigan maxsus mexanizm va moslamalar bilan jihozlangan urug’chilik punktlarini tashkil etish;
  
• 
  ilg’or texnologiyalarni joriy etish, ichki va tashqi bozorlarda raqobatbardosh urug’lik mahsulotlarining yangi navlarini yetishtirishga ko’maklashish;
  
• 
  urug’chilik bo’yicha mutaxassis kadrlar tayyorlash, qayta tayyorlash va malakasini oshirishni tashkil qilish;
  
• 
  dehqon va fermer xo’jaliklariga biznes-rejalar tuzishda xizmat ko’rsatish;
  
• 
  fermer xo’jaliklariga almashlab ekishni to’g’ri tashkil qilish maqsadida ekinlarni to’g’ri joylashtirish;
  
• 
  fermer xo’jaliklariga ularning texnika vositalarini ta’mirlashda xizmat ko’rsatish;
  
• 
  ulgurji va chakana savdo faoliyatini amalga oshirish;
  
• 
  tara-idishlar ta’minotini va transport xizmatini tashkil qilish;
  
• 
  brokerlik xizmatini ko’rsatish;
  
• 
  qishloq xo’jalik mahsulotlarini qayta ishlash va sotish bilan shug’ullanish;
  
• 
  vositachilik faoliyati bilan shug’ullanish;
  
• 
  qo’shma korxonalar tuzish bilan shug’ullanish;
  
• 
  investisiyalarni jalb etishda xo’jaliklarga va boshqa korxonalarga ko’maklashish;
  
• 
  qishloq xo’jaligi mahsulotlarini eksport qilish;
  
• 
  O’zbekiston Respublikasi qonunlarida ta’qiqlanmagan boshqa faoliyat bilan shug’ullanish.