Dene ha’m ayaq bulshi’q yetlerin bekkemlew ushi’n shi ’ni’g ’i’wlar:
a) ayaqlardi’ qosi’p ha’m iyin ken’liginde qoyi’p, yeki qoldi’ aldi’g’a uzati’p, iyiliw, 10 — 13 ma’rte; b) shalqasi’na jati’p bir ha’m yeki ayaqti’ izbe-iz ko’terip-tu’siriw . 10 — 12 ma’rte . Ayaqlar menen velosiped aydap ati’rg’anday ha’reketti wori’nlaw, 30 — 40 sekund; d) qari’nda jati’p, gewde ha’m ayaq-qollari’n ko’terip . «bali’q» boli’w (bu’giliw), 6 — 8 ma’rte; e) qari’nda jati’p bu’gilip. qol menen ayaqlardi’ uslaw, 5 —8 ma’rte; f) bir wori’nda turi’p ha’m ha’reketlengende sekirgishten sekiriw, 1—2 ma’rte.
Wo’z mu’mkinshiliklerinen kelip shi’g’i’p qosi’msha ra’wishte matras, porolon to’sek sali’p gu’res shi’ni’g’i’w- lari’nan tan’lap ali’p wori’nlaw. Bunda dene ag’zalari’na «tiyiw» woyi’ni’nan paydalani’w: basqa, ayaqqa, shi’g’anaqqa, qolg’a, iyinge tiyiwden paydalani’w. Bunday ha’reketler qi’sqa waqi’tta gu’res tiykarlari’n wo’zlestiriwge ja’rdem beredi.
Qol ha’m gewde bulshi’q yetlerin bekkemlewde armrest- ling — ku’shti si’naw woyi’ni’nan paydalani’w mu’mkin. Woni’n’ qolayli’ ta’repi, woyi’ndi’ mektepte — ta’nepiste, u’yde bolsa ag’ayin-tuwi’sqanlar ha’m qatar-qurbi’lar menen wo’tkerse boladi’. Bu’gingi ku’nde armrestling boyi’nsha Aziya, Evropa , Ja’ha’n birinshilikleri wo’tkerilmekte. Respublikami’zda sportti’n’ usi’ tu’ri boyi’nsha sport fed- eraciyasi’ du’zilgen. Woyi’ndi’ wo’tkiziw to’mendegishe a’melge asi’ri’ladi’: ayaqlardi’ iyin ken’liginde ashi’p yamasa bir qansha ken’irek ashsa da boladi’, 2 adam bellesiwshiler qol shi’g’anaqlari’n stol u’stine qoyadi’. Ko’rsetpe berilgennen
keyin, qarsi’laslar bir-birinin’ alaqani’nan uslasi’p, ha’r bir qarsi’lasi’ni’n’ qoli’n stolg’a (shepke yamasa won’g’a) ji’g’i’wg’a uri’nadi’. Chempionlar ha’m shep, ha’m won’ qol boyi’nsha ani’qlani’wi’ mu’mkin. Ra’smiy tu’rdegi jari’slarda salmaq kategoriyalari’ qi’zlarda 45 kg, wo’spirimlerde 50 kg nan baslanadi’. Mektepte, armrestling boyi’nsha jari’s wo’tki- ziwde wo’z salmaq kategoriyalari’n wornati’w mu’mkin. Ma’selen, 20 — 25 kg ha’m wonnan joqari’.
|
