|
Teri kuyushi va unga birinchi yordam berish
|
| bet | 9/32 | | Sana | 15.05.2024 | | Hajmi | 2,34 Mb. | | #235033 |
Bog'liq konspekt Teri kuyushi va unga birinchi yordam berish
Kuyish - teriga yuqori haroratlar ta’sirida (termik) shuningdek kislota, ishqor, fosfor va boshqalarni (kimyoviy) ta’siri natijasida sodir bo‘ladi. Kuyish holatiga qarab to‘rt darajaga bo‘lish mumkin. Birinchi darajali kuyganda terida qizarib shishi seziladi; ikkinchi darajali kuyishda suyuqlikka to‘lgan pufakchalar hosil bo‘ladi; uchinchi darajali kuyishda teri kuyib tirishadi va jonsizlanadi, to‘rtinchi darajali kuyishda teri kuyib ko‘mirga aylanib inson hayoti to‘xtaydi.
Birinchi darajali kuyishda kuygan joylari toza suvda yuviladi, undan keyin spirt, odekolon yoki kaliy permaganatning kuchsiz aralashmasi bilan xo‘llanadi.
Ikkinchi darajali kuyishda terining kuygan qismlarida paydo bo‘lgan pufakchalar ko‘chirilmasdan sterillangan bog‘ich quyiladi. Kiyim va oyoq kiyimlarni yechganda teriga tegib ketmasligi va yara ifloslanmasligi lozim. Konsentrlangan kislotalardan kuyganda (sulfat kislotadan tashqari) terining kuygan yuzasi 15 – 20 minut davomida sovuq suv, sovunli suv va ichimlik (3% li) soda aralashmasi bilan yuviladi. Ishqordan kuygan teri suv bilan yuviladi, so‘ng 2 % li sirka yoki limon kislota aralashmasi bilan tozalanadi. Ishlov berilgandan keyin terining kuygan yuzasiga zararsizlantirilgan bog‘ich qo‘yiladi. So‘ndirilmagan ohakdan kuygan teri qismlariga hayvon yoki o‘simlik yog‘lari bilan tozalanadi.
Qismlarga ajratish-yig‘ish ishlarini bajarganda
xavfsizlik qoidalari.
Umumiy qoidalar.Avtomobil yig‘ma birliklarini qismlarga ajratish va yig‘ish uchun ularni turg‘un holatini ta’minlovchi maxsus stend, aravacha yoki moslamalardan foydalanish lozim. Bu ish unumini oshirib, xavfsiz ishlashni ta’minlab va qulaylik yaratibgina qolmay balki ish sifatini ham oshiradi.
Ko‘tarish-tushirish jihozlari yaroqli, ishlashga qulay va xavfsiz bo‘lishi lozim. Og‘ir vaznli agregat va detallarni olishda maxsus qamragich (strop) ishlatilib kamida to‘rt joyidan ilinib mahkamlanishi kerak. Agregat aylanib ketishga yo‘l qo‘ymasdan ko‘tariladi. Agregat yoki mexanizm ko‘tarilgan holatda qismlarga ajratish yoki yig‘ish man etiladi. Ilgak, zanjir, qamragich va yuk ko‘tarish kamida bir yilda ikki marta tekshirilib, sinab ko‘riladi. Yukni ko‘tarishda og‘irlik markazi hisobga olinmasa aylanib ketishi yoki surilishiga sabab bo‘ladi va xavfli vaziyatni yuzaga keltiradi.
Yukni sekinlik bilan ko‘tarib uni turgan joyidan ajratish paytida ehtiyot bo‘lish maqsadga muvofiq, aynan shu holatda o‘girilib yoki surilib ketishi mumkin. Agregat yoki qismlarni ajratish va yig‘ish ishlarida yaroqli asbob–uskunalarni ishlatish xavfsiz ishlashning eng muhim shartidir. O‘lchami to‘g‘ri kelmaydigan kalitlar bilan bolt yoki gaykani burab bo‘shatish, kalitni boshqa kalit yoki truba bilan uzaytirib tortish mumkin emas, bu shikastlanishga olib keladi. Burab chiqarib bo‘lmaydigan holatlarda gaykani kesib olish va gaz alangasidan foydalanish mumkin. Qo‘zg‘almas birikmalar vtulka, podshipnik halqa va boshqa detallar maxsus moslama va press yordamida chiqarib olinadi yoki o‘rnatiladi. Har bir asbob-uskuna foydalanishda o‘z vazifasi bo‘yicha qo‘llanish shart! Prujina yoki siqilib turuvchi detalni bo‘shatish vaqtida chiqib ketishdan saqlovchi moslama yoki himoyalovchi vositadan foydalanish kerak. Detal yoki agregatlarni yuvish va tozalash ishlarini bajarishda yuvish uskunalaridan to‘g‘ri foydalanish zarur. Siqilgan havo bilan tozalashda himoya ko‘zoynagi taqib olinadi va havo oqimini o‘ziga qarama-qarshi tomonga yo‘naltiriladi. Uchli va kesib ketish ehtimoli bo‘lgan detallarni qo‘lqop bilan mahkam ushlab, sirpanib ketishga yo‘l qo‘ymasdan olish kerak. Moy, suyuqlik va loyli yuzalarni tozalab, artib quruq holda ishlashga ruxsat etiladi. Ish joyida moy va suyuqliklarning yerga to‘kilishi-yiqilish va jarohatlanishga sabab bo‘ladi.
Asbob-uskunalarni o‘z joyiga tartib bilan qo‘yish, ish joyini toza tutish, oyoq kiyimni oyoqda mustahkam turishi va ishchi kiyimni loyiq hamda qulay bo‘lishi, ish joyini to‘g‘ri tashkil qilinishi-xavfsiz ishlashning zaruriy talablaridan biridir. Har bir ish bajarilishining o‘ziga xos texnika xavfsizligi bo‘lib, ularni bajarishdan avval barcha o‘quv amaliyotida yo‘riqnoma asosida tushuntiriladi hamda muhandis-pedagog amalda ko‘rsatishi maqsadga muvofiqdir.
|
| |
